Balkon3

Tag: евровизија

  • Традиционални шведски ќофтиња

    Викендов екипата на Балкон 3 одлучи да ви претстави еден традиционален рецепт од Шведска, земјата која годинава е домаќин на Евровизија. Пребарувајќи по интерент откривме дека Швеѓаните обожуваат ќофтиња и дека постојат голем број рецепти за подготовка на ова вкусно јадење, па веднаш одлучивме токму тоа да биде нашиот предлог за викенд ручек. Шведските ќофтиња вообичаено се служат со варени компири и џем од капини. Добар апетит!

    Потребни состојки за двајца викинзи или за четворица обични луѓе 🙂

    Ќофтиња:

    – 2 лажици путер

    – 1/2 главица кромид, ситно исецкана

    – една и пол лажичка сол

    – 1/4 чаша млеко

    – 2 јајца

    – 1/3 чаша лебни трошки

    – 1 лажичка црн пипер

    – 1/4 лажичка ореви

    – 1/2 килограм мелено говедско месо

    – ½ килограм мелено свинско месо

    Сос:

    – 2 лажици путер

    – 3 лажици брашно

    – 3 шолји супа од говедско месо
    – ½ чаша павлака
    – ½ лажичка шеќер

    – сол и црн бибер по вкус

    Подготовка:

    Се топат две лажици путер во голема тава на средна топлина. Во неа пржете го кромидот со 1 ½ лажичка сол додека не почне да станува проѕирен, што вообичаено трае околу 6 минути. Откако ќе се испржи, префрлете го кромидот во длабок сад. Додадете млеко, јајца, трошки од леб, црн бибер, сушен зеленчук, и црвен пипер во смесата, мешајте додека се соединат состојките. Додадете го говедското и свинското месо во смесата со лебни трошки. Покријте го садот со фолија и оставете да отстои еден час во фрижидер. Стопете две лажици путер во голема тава на средна топлина, додавајте го брашното со постојано мешање и пржете додека да добие светло кафена боја, 4 до 5 минути. Полека додавајте ја говедската супа во путерот. Зголемете ја топлината до средно висока, со мешање, додадете ја павлаката во смесата и доведете ја до вриење. Потоа се додава шеќерот и Вустершир сосот. Оставете да врие додека да се згусне, околу 6-7 минути. Зачинете со сол и црн бибер и тргнете го сосот од рингла. Загрејте ја рерната на 220˚C (425˚ F). Ставете алуминиумска фолија на хартијата за печење и попрскајте со масло. Со влажни раце се тркалаат 2-3 лажици од мешавината во форма на топче и ќофтињата се редат на хартијата за печење.

  • Со сите оружја пукаме на Евровизија

    „Некој на фејсбук кажа Македонија оди со рецепт на Малта на Евровизија….и да токму тоа. Калиопи личи на една од порано што пееше за Малта.. иако музиката за песната што ја напиша нејзиниот поранешен сопруг е многу подобра од оние на Малта“

    Што е она што не тера да бидеме толку запалени за песната на евровизија. Дали е е тоа универзалната, карактеристична за сите во светот, желба за победа, дали е тоа дека сме убедени дека имаме најдобар ритам, мелос и музика во регионот (приказна која без исклучок се пренесува со години..нели ако сакаш песна оди во Босна, ако сакаш игра оди во Србија, а ако сакаш и песна и оро оди во Македонија итн..) или пак во недостаток на победа во ниту една од битните медиумски опсервирани светски арени за мегдан. Би рекле од се по нешто. Но ако е повеќе или помалку нормално првата причина да доминира со 60 осто, а вториве две со по 20 отсто, кај нас сепак доминираат последниве две. Од каде овој заклучок? Па од оптоварувањата што секоја година ги има просечниот македонски граѓанин околу тоа која песна ќе не преставува на песната на Евровизија и како ќе поминеме, дали пријателските земји ќе гласаат за нас, и пак ли оние од север ќе се честат со гласови иако не заслужуваат… А испративме и испукавме се што имаме…И пак ништо..Ако почнеме од првиот пат со Владо Јаневски, кој заврши многу неславно со фино испегланото одело и сериозниот поглед.. па преку девојките од XXL кои беа најавувани како атракција..па завршија неусогласено.. па преку Каролина ..два пати..па Тоше, па тапанарот Мартин, па бушавите од Некстајм….па убавиот Влатко со Русинката, ..и еве сега божицата мајка Калиопи..

    Некој на фејсбук кажа Македонија оди со рецепт на Малта на Евровизија….и да токму тоа. Калиопи личи на една од порано што пееше за Малта.. иако музиката за песната што ја напиша нејзиниот поранешен сопруг е многу подобра од оние на Малта,  односно има можеби најдобар рефрен или скоро исто толку добар како сто посто те љубам на XXL, само поуметнички. Црно и Бело Есеееен…

    За читателите надвор од Македонија треба да кажеме дека Калиопи всушност од секогаш имала песни со одлична музика, одлични рефрени, од Бато, Лео, Обои ме итн.. што отскокнувале од останатите песни во врвот на пример од оние на Каролина..ниту една не можеш да запамтиш и да сакаш…. Така и со оваа песна би рекол дека е добра, подобра од скоро сите што сме ги пратиле, одличен рефрен..добро направен, добро отпеан.. впечатлив.. Башка и ќе се дотера уште повеќе до тогаш… А  плус тоа Калиoпи има силен карактеристичен прекрасен глас… И што е голема поп ѕвезда, не само во Македонија туку во цела поранешна Југославија…

    Се чини дека годинашниов избор, односно бидејќи немаше избор, помина онака како што треба. Релаксирано, без големи помпи и без вложување на сите сили и стратегии како во минатото. Кога вложувавме и последен атом енергија само на Европа да и докажеме колку нашиот мелос, песна е подлабока и поразлична од се што ќе биде испеано на нивните металик вечери, песни без душа.. Да, така си мислиме.. барем поголемиот дел. И после поразот се чудиме како сме останале несфатени, односно како може толку добра песна да помине толку лошо. Пред настап медиумите се полни со извештаи како високо котираме на интернет, па дека сите се вртат околу нашата делегација, па како сите велат сигурно ќе се пласирате меѓу првите две ако не и повисоко.. За по неуспехот или делумниот успех да почнеме да измислуваме и најневозможни сценарија за причините за кои не сме успеале.. а сето тоа затоа што не сме биле реални уште од почеток.. Затоа да бидеме реални, го бараме невозможнотоJ да победиме, или да бидеме во првите.. две, три или барем пет..како кошаркарите и ракометарите. Да не не порази Луксембург, како овие што шутираат топка, да не речам фудбалери, не знам дали се пласираа за тој статус..

  • Добровечер Баку, Атина се јавува!

    Елефтерија Елефтериу

    ОГАЕ – Грција е официјалниот Фан клуб на грчката песна за Евровизија. Лукас Влавианос, секретар на ОГАЕ-ГР зборува за Балкон3 за активностите на Клубот, грчката песна за овогодишната Евровизија и за балканските релации.

    Лукас Влавианос

    Како се избира песната за евровизија во Грција?

    Оваа година ЕРТ (грчката телевизија), објави отворен повик, и потоа со Universal Music Greece работеа заедно на селектирање на четворица финалисти, а сите кандидати на аудицијата мораа да бидат нови уметници, кои немаа до сега снимено албум или песна. Во рок од една недела четирите песни се појавија на Фејсбук страната на ЕРТ без било каква официјална најава. Специјален настан беше организиран во новиот ексклузивен трговски центар во Атина, кој беше пренесуван во живо на телевизија и победникот беше избран со 50 отсто tele-voting и 50 отсто со жири составено од експерти за аранжман, од претставници на релевантни медиуми и изведувачи.

    За песната која е избрана оваа година?

    Оваа година е избрана песната „Афродизијак“ (музика и текст на Димитрис Стасос, Микаела Стентстром и Дајана Лоф). Пејачката, Елефтерија Елефтериу (родена на Кипар 1989 година), има студирано музика и уметност на Универзитетот во Surrey (Велика Британија). Има учествувано во грчкото шоу X-Factor и од тогаш соработува со популарни пејачи како Сакис Рувас и Никос Вертис во Атина и во Солун.

    http://www.youtube.com/watch?feature=player_detailpage&v=6f9-iNIGKXY

    Какви се активностите на ОГАЕ-ГР околу евровизискиот натпревар?

    Клубот е формиран пред околу 25 години и има околу 200 постојани членови. Тие учествуваат во различни активности во текот на целата година, како на пример запознавање со поединостите околу натпреварот и неговата музичка историја, канење на учесниците, победниците од другите земји на промотивни настани, и секако присуствување на главниот настан песна на Евровизија. Организираме и забава каде што се одржува песната на Евровизија и ги каниме сите делегации од сите земји да дојдат (секогаш доаѓаат!). Исто така организираме и специјален настан во Грција пред да биде извршена селекцијата на песна за Евровизија, со цел да ја запознаеме публиката со сите учесници на домашниот натпревар.

    Какво е вашето искуство со другите балкански земји кои учествуваат на Евровизија?

    Имаме одлични релации со сите ОГАЕ клубови во сите балкански земји. Географската близина исто така е од голема помош за почеести посети и организирање на повеќе настани. Турција, Грција и Србија имаат повеќе искуство бидејќи беа во можност да бидат домаќини на песна за Евровизија. Теоретски, ако песната стилски се базира на нашите балкански музички традиции, за нас е полесно да се поврземе да ја доживееме песната и да гласаме за неа. Но, ако песната е генерално добра, тогаш мнозинството од земјите учееснички ќе гласаат за неа – макар и со по некој поен. Многу е тешко да се најде лоша песна меѓу досегашните победнички. Јас лично мислам дека оваа година песните од Албанија, Словенија, Хрватска, Србија се многу добри. Пејачката од Република Македонија е врвно име во земјата. Пејачот од Турција е многу добар. Сите се всушност одлични песни.

    А што велите за политиката околу гласањето што е секогаш присутна..

    Да, секогаш е присутна, но како што покажува искуството во изминатите неколку години, ако песната е добра, за неа ќе гласааат поголемиот број земји. Особено откако 50 отсто од гласовите доажаат од професионалци вомузиката во секоја земја, мислам дека вообичаените политики и поделби на блокови ќе бидат надминати.. Ние секогаш сме за најдобрата песна, без оглед од каде доаѓа!

    Среќно на сите!

    Софија Николау