Balkon3

Tag: Фрција

  • Летни фестивали во Грција

    Во моментов мечтаам со страсната и веќе нетрпелива желба да одам некаде. Да одам некаде каде ќе можам да уживам во мирис на море, вкус на различна храна, флерт со шармантниот ветер на некоја плажа, а сето тоа искомбинирано со добар концерт, фестивал за филм, театар, танц… Одлучив да разгледам настани кои ќе се случуваат ова лето во, за мене секогаш неодоливата, Грција. Би сакала да споделам некои со вас, можеби ќе посетиме нешто. Никогаш не се знае, а секогаш се верува 🙂

    Меѓународниот филмски фестивал во Патра (International Film Festival of Patras City) за независни видеа и филмски фестивал за млади артисти. Овој фестивал е отворен за сите луѓе од целиот свет кои сакаат да ја покажат својата работа, да се изразат себеси, своите мисли и чувства. Фестивалот започнува на 28 јуни и ќе трае до 30 јуни. Повеќе на официјалниот сајт на фестивалот.

    Како да стигнете: Патра се наоѓа на северниот дел од Пелопонез. Од Скопје е оддалечена 674 километри, а 519 километри од граничниот премин Богородица. За да стигнете од Скопје до Патра ќе ви бидат потребни околу 7 часа. Од Истанбул до Патра има 1063 километри и со автомобил можете да патувате преку граничниот премин кај Ипсала што ќе ви одземе над 8 часа. Можете и од Истанбул до Атина да патувате со авион (летот трае 1 час и 12 минути), а потоа до Патра ќе ви бидат потребни уште 2 часа и 30минути.

    Познатиот Лукабетус фестивал во Атина (Lycabettus festival in Athens) трае во текот на цело лето. Се одржува во стар, рударски каменолом на највисоката точка во градот. Одличната акустика, атмосферата и енергијата ја почувствувале големи светски имиња како Боб Дилан, Б.Б. Кинг, Пати Смит, Пако де Лусиа и многу други. До театрот, кој се наоѓа на врвот се стигнува со такси возила кои чекаат туристи на почетокот на ридот, потоа со жичара која се наоѓа на почетокот на улицата Плутарх (Ploutarchou) и која чини 3 евра во еден правец, а за тие со здраво срце и добра конциција пешачењето би траело од 30 до 45 минути. Повеќе информации за фестивалот на следниот линк.

    Како да стигнете: Скопје – Атина 710 километри преку граничен премин Богородица, 7 часа со автомобил, а за патување со велосипед немаме точни податоци J Истанбул – Атина преку Александрополис со кола 1100км, 11 часа. Истанбул – Атина лет 1 час и 12 минути. Од аеродромот во Атина до улицата Плутарху има 32км.

    Ривер Парти Фестивал, Несторио, Касторија (River Party Fesrival – Nestorio Kastorias). Ова е еден од најстарите музички фестивали лоциран надовр од Атина. Се одржува во Несторио, Касторија (северо-западна Грција ) на реката Бистрица (Haliacmon). Посетителите од Грција и соседните држави можат да уживаат во добрата сценографија и музика, кампување и пливање цели пет дена.

    Како да стигнете: Несторио од Атина е одалечен 501 километар, 5 часа и 35 минути со автомобил. Истанбул – Несторио, 802 километри, 8 часа и 13 минути со автомобил. Скопје – Несторио преку граничен премин Меџитлија (Битола) – 285км, 3 часа и 50мин. Повеќе информации на официјалниот сајт на фестивалот.

    Ана Секуловска

  • Летни музички фестивали – Грција

    Со оглед на тоа што се ближи летото, кое важи за период на одржување на голем број музички фестивали, ова е вистинскиот момент да го испланирате вашиот буџет и да одлучите кој фестивал ќе го посетите. Тимот на Balkon3 истражуваше на таа тема и ви ги препорачува најдобрите летни фестивали во Грција, кои со својата програма, традиција и организација дефинитивно го заслужуваат вашето внимание.  Има за сечиј музички вкус по нешто. Се што ви треба е добро друштво, фина организација и добивате гарантирана забава.

    River Party (1 до 5 Август, Касториа -Костур)
    Оваа година фестивалот се одржува по 34 пат. Традиција која го рангира во еден од најстарите, но и најквалитетните во Европа.  Бројот на посетители во просек се движи околу 50 илјади. што е навистина несекојдневно доживување. Освен долгата традиција фестивалот има уште еден адут зошто да го посетите, а тоа е атрактивната локацијата. Самиот фестивал, но и главната кампинг ареа е лоцирана во близина на река, опкружена со многу зеленило и природа.  На River Party освен во добра музика ќе може да уживате и во петдневен пикник. Фестивалот се одржува на дваесетина километри од градот Касториа, лоциран во Западниот дел на Грција, одалечен 200 километри од Солун. Познат е по многуте византиски цркви и градби кои датираат од Отоманскиот период. Доволен предизвик во периодот кога ништо поинтересно не се случува во кампот да го посетите и овој град. Што се однесува до листата на изведувачи, таа се уште не е дефинитивна и од ден во ден се дополнува. За сега најавени се Thievery Corporation, Locomondo, Socrates Malamas, Natasha Bofiliou… Цената на билетот изнесува 50 евра за сите пет дена со резервирано кампинг место.
    www.riverparty.org

    Rockwave (30 јуни до 3 јули, Атина)
    Еден од најпознатите рок фестивали во регионот. Се одржува од 1995 година, во паркот Теrra Vibe, во областа Малакаса, која се наоѓа на неколку километри од Атина. Како и секоја година наназад и оваа има одлична програма, во најголем дел составена од рок изведувачи. Ако решите да бидете дел од Rоckwave, ќе имате прилика во живо да ги гледате Machine Head, Paradise Lost, Unisonic, Planet of Zeus, Lucky Funeral, Everlast, Prodigy, Iggy and the Stooges… Цената на билетот, кој вклучува и кампинг место изнесува само 58 евра за сите три дена. Можност која дефинитивно не смеете да ја пропуштите. Карти онлајн можете да купите на Tикетпро.
    www.rockwavefestival.gr

    Psyculture Festival (13 до 16 јули, Кавала)
    Фестивал наменет за љубителите на електронската музика. Со оглед на тоа што се одржува са самиот брег на Егејското море ова е одлична прилика да споите фестивал и летен одмор. Psyculture се одржува во местото Кавала кое се наоѓа на 129 километри  од Солун. Најавени се многу Dj и изведувачи во живо, кои ќе се погрижат забавата да трае четири денови. Се уште трае попустот за купување на карти па затоа ако сте миленик на овој тип на музика, не се двоумете премногу. Во моментов цената за четири дневен билет со вклучен кампинг изнесува 55 евра. Карти можете да купите онлајн на официјалниот сајт на фестивалот.
    www.psyculturefest.com