Balkon3

Tag: песна

  • Кампања на „Езерки“ за собирање средства за турнеја низ Македонија

    Кампања на „Езерки“ за собирање средства за турнеја низ Македонија

    „Езерки“ и „Седум Осмини“ преку crowdfunding кампањата собираат средства за турнеја низ Македонија

    Етно групата „Езерки“ од Хрватска, еден од најпознатите балкански етно состави кои ја негуваат македонската изворна и староградска музика покренаа кампања за собирање парични прилози преку crowdfunding платформата Indiegogo за да обезбедат средства за турнеја низ Македонија.

    За концертите во Македонија оваа есен, на „Езерки“ и на оркестарот „Седум Осмини“ (7/8) им се потребни 5.000 долари за трошоците на турнејата, а до сега се собрани една третина од потребните средства. За да ги поддржите кликнете на линкот https://igg.me/at/ludizamakedonijom/x/5601403

    Езерки настапуваат заедно со оркестарот Седум Осмини (7/8) и повеќе од 20 години изведуваат традиционална македонска музика во современи аранжмани и така ја чуваат од заборав.

    https://youtu.be/mf1H3RtD6x0?t=3

    Тие се една нетипична, интересна формација од 20-тина членови од сите возрасти, различно потекло, професии и големина. Но, на сите им е заедничко што ја сакаат македонската музика и оригиналниот 7/8 ритам. Сите од нив лудуваат за Македонија, а тоа е насловот и на документарниот филм за нив, чија премиера се очекуваа оваа есен.

    „Езерки се најдоброто нешто што на Македонија и се има случено надвор од нејзините граници. Тие се цврста алка што го држи мостот меѓу Хрватска и Македонија“, има изјавено за нив во една од своите рецензии познатиот македонско-хрватски композитор Љубомир Бранѓолица.

    Зад „Езерки“ се четири студиски албуми и еден концертен: „Бакнеж“, „Мустра“, „Амфитеатар“, „Livingroom“, „Спектакл“.

    Имаат одржано неколку големи концерти во Лисински во Загреб, во Скопје, а гостуваат низ градовите на цела поранешна Југославија

    Сепак, како што велат, најдраги им се настапите во Македонија, лулката на музиката што ја сакаат и исполнуваат. За оваа есен имаат покани за гостување во Скопје, Тетово, Охрид и Ресен. За да ги обезбедат средствата им е потребна поддршка со собирање на минимални средства од што поголем број на луѓе.

    За да ги поддржите кликнете на линкот https://igg.me/at/ludizamakedonijom/x/5601403

    И со уплата на саканиот износ или споделување на информацијата низ социјалните мрежи, усно или со песна, помогнете.

    Да ги поддржиме!

    Лице за контакт: Сандра Влашиќ sandra.vlasiczg@gmail.com

  • Плоштадот Неа Смирни низ песна

    Каде и да одиш, секогаш ќе бидеш овде

    Го имаш клучот кој ја отвора оваа брава

    Но бејби, жал ми е, изгледа дека јас ќе заминам

    Дојди! Ајде да одиме на прошетка, само ние двајцата…

    neasmyrni12_balkon3

    Кога прошетката ве води до плоштадот Неа Смирни можеби ќе почувствувате расположение како во песната на Стаматис Краунакис за која ги напишал текстот и мелодијата.

    Но, расположението може бргу и да се смени. Плоштадот е полн со живот и постојано нешто се случува. Нови луѓе постојано доаѓаат и исчезнуваат, а често се појавуваат ѕвезди од музичката и спортската сцена кои живеат и работат овде.

    neasmyrni2_balkon3

    Има безброј кафе барови наоколу, а посетителите повеќе сакаат да седат нa отворено – дури и во зима. Секое друштво си има свое омилено место за дружење и таму сигурно можете да ги најдете во одредено време без да закажувате средба. Секој бар има своја приказна: сопственикот е познат ТВ лик или пак ваш пријател; можеби капучиното е легендарно или нудат happy hour за питите со сирење; или пак посетителите се строго избрани – како што е случајот со “Пантери” кои се големи навивачи на локалниот спортски клуб “Паниониос”; а понекогаш и затоа што барот има тајни простории со сокриени градини каде можете да најдете место кога е сè полно. “Адонис” е еден од најстарите барови овде.

    neasmyrni6_balkon3

    Ајде во Адонис на кафе,

    Таму ќе сретнете згодни млади луѓе, фрикови и спортисти,

    И една луда, нервозна, дебела дама доаѓа во недела да се ослободи од стресот!

    Рефренот опишува вистински ликови кои можеле да се сретнат на плоштадот во 1980-тите кога е напишана песната. Тогаш било невозможно да не ја забележите дебелата дама како крева голема врева. Си замислувам како композиторот и неговите пријатели често го посетувале местово заедно со илјадници студенти од блискиот универзитет во кој немало пристојна кафетерија. Факултетот за Социологија Пандион … па има ли подобро место за доживување и набљудување на социјално однесување во нашата култура на пиење кафе од плоштадот Неа Смирни?

    neasmyrni5_balkon3

    И сè изгледа ништовно

    И сите седат без да се сомневаат…

    Навистина првиот впечаток е дека луѓето овде не се свесни за проблемите во светот и оклоу нив. И да бидеме искрени, студентите доаѓаат овде за да им помине времето помеѓу предавања или да се одмараат. Но, на сите луѓе им е потребно чувство на заедништво во град каде преовладува индивидуализмот и изолираноста, па во таа гужва ќе сретнете парови излезени на романтичен состанок.

    Ти си мојата желба

    Ти си моето кафе и цигара!

    neasmyrni7_balkon3

    Времето проаѓа, некои луѓе се заминати и многу барови се затворени и заменети со други. Адонис се повлече во просториите на мезанинот, друг бар се отвори на приземјето, но и двете места се доволно прометни. Графитите избледуваат но се заменуваат со нови. Плоштадот никогаш не престанал да биде референтна точка за социјализирање, за детска игра, за младите родители да ги прошетаат бебињата и нивните колички.

    neasmyrni14_balkon3

    Повремено ќе забележите понекој уличен продавач од далечни земји како Судан или Сенегал. Алкистис Протопсалти, пеачот на оваа песна, доаѓа од Александрија, Египет. Поголемиот дел од населението овде имаат корени во еден далечен град, Измир во Турција. Плоштадот и и неговата околина се внимателно планирани и изградени во 1930тите, со цел да им помогнат на жителите да се вселат во нивниот нов дом кој го нарекуваат “Нов Измир” – (Nea Smyrni).

    neasmyrni13_balkon3

    Што и да проживуваме сега веќе сме го виделе,

    Како сцена од некој друг филм,

    Драга целиот свет може вака да живее,

    Ајде! Те честам кафе на плоштад!

    neasmyrni8_balkon3

    Плоштадот официјално нема име. Бил планиран како отворен простор за користење на целата заедница, единствен кварт во Атина на кого му е дадена оваа привилегија. Еден градоначалник од 1970тите го поплочил плоштадот со бетон, изградил огромен споменик и многу водени каскади и езерца (порано можеле да се видат патки како пливаат овде).

    neasmyrni9_balkon3

    Локалните жители велат дека изгледа чудно, но не сакаат да го сменат. Секое дете овде пораснало обидувајќи се да стигне до врвот на бетонската пирамида за потоа горделиво да се спушти по лизгалката – самата градба ја задржала првобитната цел: сенка за уличните продавачи на кафе.

    nea smyrni20_balkon3

    nea smyrni12_balkon3 nea smyrni16_balkon3

    Песната избледува многу бргу и звуците се заменети со смеа и со луѓе кои учествуваат во забавата на различни начини. На крајот сепак има воздишка. “Зошто?”

    Но тоа е друга приказна… сигурна сум и друга песна!

    «O Adonis», 1985

    Софија Николаоу

  • Во потрага по Гостиварската чешма

    Во потрага по Гостиварската чешма

    Во Гостивар има една чешма,

    Ох, една чешма, душа од чешма

    Гостиварски девојки, сите до една, одбрани девојки

    И душата ми гори, и плачам…

    Овие стихови се од една стара румелиска песна. Авторот е непознат. Се работи за љубовна приказна. Чешмата не е обична. Покрај слатката и вкусна вода која тече од неа, околу неа се шири мирисот на љубовта. Затоа песната тешко може да се заборави. Се пее со децении, особено на балканските простори. Прекрасната песна е незаменлив дел од денешните свадби, кај луѓето побудува многу различни емоции. Особено ако невестата е од Гостивар, значењето на песната е многу, многу поголемо и посилно.

    Gostivar_cover

    Балкон3 во потрага по чешмата го посети Гостивар. По дождливиот неделен ден, со часови шетавме по тесните гостиварски улички, со надеж дека ќе ја пронајдеме чешмата и убавите девојќи покрај неа, кои се споменуваат во горните стихови. Но, за жал и покрај вложениот труд, „Душата од чешмичка“ не успеавме да ја најдеме. Сепак, читателите на Балкон3 нема да бидат лишени од прекрасни фотографии од градот распослан во подножјето на Шар Планина, чие име значи „град со многу гости, гостопримлив град“.

    [portfolio_slideshow id=9143]

    Текст и фото: Хусамедин Гина