[portfolio_slideshow id=9517]
Category: Галерија
-
Балкон3 во Бурса: Фотогалерија од етно ресторанот “Mavi Boncuk” Џумаликизик
[portfolio_slideshow id=9447]Фото: Хусамедин Гина (Балкон3)
-
Во потрага по Гостиварската чешма
Во Гостивар има една чешма,
Ох, една чешма, душа од чешма
Гостиварски девојки, сите до една, одбрани девојки
И душата ми гори, и плачам…
Овие стихови се од една стара румелиска песна. Авторот е непознат. Се работи за љубовна приказна. Чешмата не е обична. Покрај слатката и вкусна вода која тече од неа, околу неа се шири мирисот на љубовта. Затоа песната тешко може да се заборави. Се пее со децении, особено на балканските простори. Прекрасната песна е незаменлив дел од денешните свадби, кај луѓето побудува многу различни емоции. Особено ако невестата е од Гостивар, значењето на песната е многу, многу поголемо и посилно.
Балкон3 во потрага по чешмата го посети Гостивар. По дождливиот неделен ден, со часови шетавме по тесните гостиварски улички, со надеж дека ќе ја пронајдеме чешмата и убавите девојќи покрај неа, кои се споменуваат во горните стихови. Но, за жал и покрај вложениот труд, „Душата од чешмичка“ не успеавме да ја најдеме. Сепак, читателите на Балкон3 нема да бидат лишени од прекрасни фотографии од градот распослан во подножјето на Шар Планина, чие име значи „град со многу гости, гостопримлив град“.
[portfolio_slideshow id=9143]Текст и фото: Хусамедин Гина
-
Осамена железничка станица
Луѓето кои влегуваат во криза и паѓаат во голема депресија, многу често, за да го заборават минатото, патуваат на некое друго место, правејќи драстични промени во својот живот. Низ историјата за тие патувања најмногу се користеле возовите. Така железничките станици, несакајќи се претворале во тажни места, места кои потсетуваат на разделби. Да се биде среќен на железничка станица, во вистинска смисла на зборот, претставувало грев.
Патот често ме носи кон Железничката станица Скопје Север, која се наоѓа во населбата Север. За станицата времето застанало, а нејзините единствени пријатели се кучињата скитници. Патници скоро да нема. Осамена е. Секогаш кога ќе поминам, размислувам за осаменоста како најголем непријател на човекот. И секако се прашувам, дали предметите и објектите некогаш се чувствуваат осамени?
Балкон3 деновиве се дружеше со железничката станица, а моментите уловени со нашиот фото апарат ги споделуваме со нашите читатели. Уживајте во фотографиите!
[portfolio_slideshow id=8963]Текст и фото: Хусамедин Гина
-
Изложба на традиционални турски ракотворби
Ракотворбите како резултат на природните услови, постојат заедно со постоењето на човекот. Првите примери на ракотворби се појавуваат за да се задоволат потребите на луѓето, на пример за заштита и за покривање на телото. Потоа, според условите на животната средина ракотворбите претрпуваат измени. Ги одразуваат чувствата, уметничките вредности и културните карактеристики. На тој начин ја стекнуваат квалификацијата „традиционални“.
На изложбата на традиционални турски ракотворби во „Чифте амам“ можеа да се видат различни кутии, сандаци, маси, прибор, облека, постелнина, покривки за перници итн. Курсистите на Здружението „Мост“ со големо задоволство и со мал уметнички допир му дадоа нов живот на дрвото. Дрвото во рацете на курсистите добило буквално нов, прекрасен облик во различни бои.
Изложбата беше поддржана од Турската агенција за соработка и координација (ТИКА). Балкон3 ја посети изложбата и прекрасните дела на курсистите ги споделува со Вас.
Фото: Хусамедин Гина
-
Есен – време на златна боја и разделби
Веќе сме длабоко навлезени во жолто – златната доба од годината. Тоа се двете неразделни бои кои недвосмислено асоцираат на есента, годишно време кога природата полека умира. Велат дека есента ја нарушува рамнотежата во човекот и дека ова време изумираат и најголемите љубови. Во поезијата често пати есента е кобна и ги зема љубовта и надежта од нашите срца, а наместо нив ни ја носи тагата и разделбата. Нерето е посурова и од грубата и студена зима.
Сепак, за многумина токму есента е најубавото годишно време. За тие што сакаат да прошетаат по конфетите од жолти лисја токму сега е вистинското време. Совршено место за средба со есента е Градскиот парк во Скопје. Балкон3 еден прекрасен сончев викенд беше токму таму. Прошетавме низ распосланите лисја и со нашиот објектив ги уловивме најубавите есенски моменти.
Фото: Хусамедин Гина
-
Љубов кон фотографијата од „мали нозе“
„Прво почнав да фотографирам со мобилниот телефон на татко ми, но магијата на „ловењето“ слики и моменти брзо ме освои. Првиот фото апарат го добив на 12 години и од тогаш имам направено илјадници фотографии“. Вака ја почнува својата приказна Ајданур Незир, победничката на фото конкурсот, кој во текот на минатиот месец го организираше веб порталот Балкон3.
Иако има само 17 години, Ајданур е голем вљубеник во фотографијата. Вели дека сака да фотографира се` што ќе и` го привлече погледот. Обожува да патува, а омилени градови, кои сака да ги „освои“ со нејзиниот објектив се: Каиро, Бангкок, Њу Делхи и Рио Де Жанеиро. Не крие дека има голема желба и професионално да се занимава со фотографирање.
Ајданур со наградата од Балкон3 – фотоапарат од марката FujiFilm Ние тврдиме дека Ајданур веќе е одличен фотограф, а најдобар доказ за тоа се фотографиите во прилог. Уживајте!
Балкон3
Фото: Ајданур Незир
-
Време за пиперки
Човештвото од праисторијата па сѐ до денес е во потрага по зачини, мирудии која ќе додадат посебен вкус и мирис во храната. Ова потрага ја допринесе интеграција на човештвото со природата. Тоа, пак, придонесе за создавање на нови култури. Таква култура се разбира е и ајварот.
Сезоната на подготовка на зимница, особено на ајварот сеуште е во полн ек. Покрај тоа што не се смета за јадење со витамини, вкусот што го има ајварот е доволен за да стане незаменлив дел од нашата софра, како деликатесно предјадење. За ајварот можете да прочитате стотици статии по медиумите, но, за главната состојка на ајварот, црвената пиперка не важи истото. Балкон3, со краток текст за потеклото на пиперката, и со фотогалерија ќе се обиде да ја исправи неправдата која трае со децении.
Пиперката потекнува од Американскиот континент. Археолошките наоди покажуваат дека пиперката била позната во Мексико пред точно девет илјади години. Исто така остатоци од пеперот најдени се во предисториските населби во Перу. Познато е дека интензивно се садело и во Средна и Јужна Америка, пред Колумбо. Пиперката во Европа за прв пат влегува во Шпанија, 1493 година, потоа во Англија 1548 година. Додека во Централна Европа влегува во 1518 година.
Фото: Хусамедин Гина
-
Пријателите на Балкон3 знаат да фотографираат
Дваесет и две фотографии, стотици „лајкови“, илајдници прегледувања. Ова е резултатот од фото натпреварот кој го организираше веб порталот Балкон3. Темата беше „Вашата најдобра фотографија“, а добивме прекрасни слики „уловени“ во Македонија, Грција и Турција, но и други земји. Победник на натпреварот и добитник на наградата фото-апарат модел Т350 од марката FujiFilm е Ајданур Незир со фотографијата „Sunshine & Nature“. Балкон3 ќе продолжи да ги инспирира и поддржува љубителите на фотографијата. Затоа не ги штедете Вашите фото апарати и мобилни телефони. Фотографирајте и можеби ќе создадете мало уметничко дело. А во меѓувреме, уживајте во галеријата од фото натпреварот на Балкон3.
Sunshine & nature – Ајданур Незир 
Beautiful Beach – Александар К. Спасовски 
Богданци – Ивана Паункова 
I walk alone – Драган Ласков 
Дуќан во Фискардо – Нидија Чилиманова 
Happines – Ердем Амет 
Hello october – γιωργος-λευτερης χαμαλιδης 
Христина – Александра Шапова 
Воз – Стела Динова 
Истанбул – Кристина Ангелеска 
Изворите на Дрим – Звонко Нанчовски 
Korcha winter – Десион Мека 
Love by the river Thames – Александар Манасиев 
Македонска куќа – Александар Левески 
Македонски манастир – Виолета Спасовска Каратош 
Мост во Париз – Софија Семенпеева 
Mountain lake – Борис Јанев 
Shkodra harmony – Фиорабела Дума 
Скопска Чаршија – Чунејт Рушид 
Убавица од Јуручко село – Хусамедин Гина 
Венеција – Цеца Србова 
Венеција – Мери Чекеровска -
Орев – нешто повеќе од дебела сенка и здрава храна
Оревот е силно дрво, долго трае, ширно листа, разгранува, сака да ги дофати височините, сенката му е дебела, згустена, горделив е, издржува на грмежи, на бури. Но, тоа веќе на сите нас добро ние познато. За оревот пак, како храна и лек сме прочитале стотици статии. Балкон3 имаше прилика да учествува во процесот на собирање орев, се разбира рачно. Но пред да уживате во фотографиите, прочитајте ја кратката приказна за популарното дрво. И, уверете се дека оревот не е само дебела сенка и здрава храна.
Но, дали знаете дека оревот како дрво, има значајно место во животот на познатиот турски поет Назим Хикмет. Имено, поетот, се договара за состанок со својата девојка, во паркот Гулхане, под оревот. На денот на состанокот Назим оди во паркот и под оревот ја чека својата девојка. Во тој момент поминува полициска патрола. Во тоа време имал потрага по него, и затоа Назим Хикмет се криел од полицијата. За да се сокрие од полицијата не му преостанува ништо друго, него само да се искачи на оревот.
Во меѓувреме доаѓа Пираје која не знае за настанот застанува под дрвото и го чека Назим. Тој пак, поради присуството на полицијата во паркот не може да јави. Затоа не му преостанува ништо друго освен во врвот на оревот да ги напише следните стихови.Јас сум еден орев во паркот Гулхане
Ниту ти си свесна ниту пак полицијата
Лисјата се моите раце, имам точно сто илјади раце
Со сто илјади раце те допирам тебе и Истанбул
Лисјата се моите очи, гледам со вчудоневиденост
Со сто илјади очи те гледам тебе и Истанбул
Лисјата ми чукаат како сто илјади срца…
