Студентите добија девет„all-in-one“ компјутери кои се слободни за користење во холот на библиотеката
Компанијата Nestlé, која во рамки на кампањата NESCAFÉ 3in1 Start Smart, во текот на претходните месеци собираше средства за отворање на мултимедијалниот центар во Националната и универзитетска библиотека „Св. Климент Охридски“ во Скопје, на оваа институција и донираше девет „all-in-one“ компјутери кои слободно можат да ги користат сите студенти. За оваа донација, Nestlé во текотна кампањата одвојуваше средства од продажбата на секој NESCAFÉ 3in1 и NESCAFÉ 2in1 производ.
Компјутерите се поставени во главниот хол на библиотеката, а во план е, во склад со трендовите за дигиталиузација на книгите, на нив да се постават дигитализирани материјали, со цел да бидат уште подостапни за корисниците. Освен тоа, студентите и другите посетители можат компјутерите да ги користат за истражувања, пишување трудови, групна работа и други секојдневни обврски во текот и по завршувањето на студиите.
Бројни меѓународни студии покажуваат дека поголемиот број студенти и млади смета дека дигиталната технологија позитивно влијае на нивното образование и разбирањето на градивото.
„Посетителите на библиотеката се исклучително задоволни со новата опрема, подарок на компанијата Nestlé и брендот NESCAFÉ 3in1“, нагласува Марко Цуцуловски, раководител на Националната и универзитетска библиотека „Св. Климент Охридски“. „Компјутерите се особено корисни за работа во групи, што за сега најмногу го користат студентите на медицина, на кои атласите, кои им се неопходни за студирање, сега им се многу подостапни. Благодарни сме што компанијата го препозна значењето на помагањето на образованието и дигитализацијата и сигурни сме дека оваа донација ќе го унапреди квалитетот на школување и унапредување на знаењето на многу млади луѓе“, доаде Цуцуловски.
Освен компјутерите, во холот на библиотеката се поставени и фотелји и полици на кои корисниците можат да ги пронајдат најновите книги и часописи на англиски јазик.
„Nestlé се свесни дека подобрувањето на квалитетот на живот и создавањето успешна заедница почнува со образованието“, истакна Соња Шливиќ, бренд менаџерка на NESCAFÉ 3in1 по повод врачувањето на компјутерите во библиотеката. „Секогаш сме тука да ги поддржиме младите во потрага за дополнително усовршување и образование исметаме дека тоа е обврска на сите големи компании. Оваа акција е само една од бројните кои Nestlé ги спроведува, а кои се насочени кон подобрување на положбата на младите луѓе во општеството“, заклучи Шливиќ.
Почна кампањата„Start smart” за собирање средства за опремување на дигиталниот центар во Националната и универзитетска библиотека „Св. Климент Охридски“
Во Националната и универзитетска библиотека „Св. Климент Охридски“ се одржа дискусија за значењето на дигитализацијата на образованието во македонското општество, со што воедно е најавен и почетокот на кампањата „Start Smart”, во тек на која компанијата Nestlé ќе собира средства кои ќе ги донира за отворање на истоимениот мултимедијален центар во библиотеката.
Бројни меѓународни студии покажуваат дека поголем број студенти и млади сметаат дека дигиталните технологии позитивно влијаат на нивното образование и разбирање на темите. Според минатогодишното истражување во САД*, повеќе од половина млади сакаат да ги користат новите технологии во учењето, додека повеќе од 80 проценти од нив користат лаптоп компјутери за извршување на домашните задачи.
Ваквите светски трендови влијаат и на младите во Македонија. Препознавајќи ги трендовите, Националната и универзитетска библиотека „Св. Климет Охридски“ почна со дигитализација на своите книги и архиви. На библиотеката исто така и се потребни и нова опрема и нова технологија, за да се заврши дигитализацијата за да можат нејзините корисници да читаат во дигитален формат.
Како компанија која смета дека сите промени почнуваат со едукација, Nestlé со својот бренд NESCAFÉ 3in1 ја почна кампањата „Start smart“ во рамки на која ќе се одвојуваат средства од продажбата на секој NESCAFÉ 3in1 и NESCAFÉ 2in1 производ за донација за креирање на мултимедијалниот центар во библиотеката.
Дигитализацијата на нашите книги ја почнавме со цел, се она што го чуваме во библиотеката да го направиме полесно достапно за корисниците, особено за помладите генерации. Нашите корисници, не само младите, денес имаат поинакви потреби кога станува збор за конзумирањето на содржините на библиотеката. Модерните библиотеки треба да бидат во склад со новите технологии, тие имаат голема улога во обезбедувањето пристап до информации и идеи, како и до дигиталните алатки за стекнување знаење. Токму затоа оваа донација и поддршка е важна, за да го дигитализираме нашето градиво и да го направиме достапно за читање“, вели Марко Цуцуловски, менаџер на Националната и универзитетска библиотека „Св. Климент Охридски“.
Познатата шампионка во маратон, но и писателка, блогерка и дизајнерка, Весна Кираџиева, вели дека книгите и образованието имаат значајна улога во нејзиното формирање како атлетичарка од светски ранг, но дека дигиталната технологија дефинитивно го има променето начинот на кој таа чита денеска:
„Иако за атлетиката е важен тренингот, подготовката и менталната издржливост, за она што сум денеска голема заслуга исто така имаат и книгите, како и образованието кое го имам стекнато. Денес често читам електронски, не само на телефонот. На сите нас, а особено на помладите, дигиталните технологии им значат многу и затоа целосно ја поддржувам оваа кампања, која на младите ќе им помогне да добијат модерно опремен простор за учење, дружење и професионален напредок. Тоа ќе биде од голема корист за нивната иднина и за развој на нивните таленти“.
Дури 94 отсто од милениумската генерација се активни на социјалните мрежи или користат апликација за комуникација – Facebook е најчест со 93 отсто, потоа Viber (71%), Instagram (61%), WhatsApp (58%) и Twitter (17%), покажува минатогодишното истражување на компанијата Nestle, спроведено во регионот.
„Пред само пет години, смарт телефоните го достигнуваа врвот на својата употреба, пружајќи ни онлајн пристап до податоци, каде и да се наоѓаме. Денес може да се каже дека дигиталното читање и учење е таму каде што беа паметните телефони пред неколку години. Како што навикнавме да читаме весници на екран, така исто можеме да ги користиме технологиите за учење. На младите, а посебно на студентите, многу ќе им значи отворањето на мултимедијалниот центар“, истакна Нита Муча, млад експерт за дигитализација, која и помага на Националната и универзитетска библиотека во овој процес.
Бренд менаџерката на NESCAFÉ 3in1, Соња Шљивиќ, нагласува дека приватниот сектор треба да ги препознае потребите на младите од соодветни вештини и едукација:
„Во Nestlé сметаме дека подобрувањето на квалитетот на живот и создавањето успешни заедници почнува со образованието, поради што сакаме да ги поддржиме младите, талентирани луѓе во Македонија. Новиот простор за учење и професионален напредок ќе им помогне да најдат подобри прилики за работа. Како меѓународна компанија, имаме одговорност да помогнеме на младите да им се обезбеди адекватно образование и вештини“.
Во Библиотеката истакнуваат дека, покрај читањето на дигитално градиво, новиот мултимедијален „Start smart“ центар ќе биде користен и за организација на работилници и обуки за младите, како и за филмски проекции и панел дискусии.
За концертите во Македонија оваа есен, на „Езерки“ и на оркестарот „Седум Осмини“ (7/8) им се потребни 5.000 долари за трошоците на турнејата, а до сега се собрани една третина од потребните средства. За да ги поддржите кликнете на линкот https://igg.me/at/ludizamakedonijom/x/5601403
Езерки настапуваат заедно со оркестарот Седум Осмини (7/8) и повеќе од 20 години изведуваат традиционална македонска музика во современи аранжмани и така ја чуваат од заборав.
https://youtu.be/mf1H3RtD6x0?t=3
Тие се една нетипична, интересна формација од 20-тина членови од сите возрасти, различно потекло, професии и големина. Но, на сите им е заедничко што ја сакаат македонската музика и оригиналниот 7/8 ритам. Сите од нив лудуваат за Македонија, а тоа е насловот и на документарниот филм за нив, чија премиера се очекуваа оваа есен.
„Езерки се најдоброто нешто што на Македонија и се има случено надвор од нејзините граници. Тие се цврста алка што го држи мостот меѓу Хрватска и Македонија“, има изјавено за нив во една од своите рецензии познатиот македонско-хрватски композитор Љубомир Бранѓолица.
Зад „Езерки“ се четири студиски албуми и еден концертен: „Бакнеж“, „Мустра“, „Амфитеатар“, „Livingroom“, „Спектакл“.
Имаат одржано неколку големи концерти во Лисински во Загреб, во Скопје, а гостуваат низ градовите на цела поранешна Југославија
Сепак, како што велат, најдраги им се настапите во Македонија, лулката на музиката што ја сакаат и исполнуваат. За оваа есен имаат покани за гостување во Скопје, Тетово, Охрид и Ресен. За да ги обезбедат средствата им е потребна поддршка со собирање на минимални средства од што поголем број на луѓе.
Хрватски експерти за унапредување на соработката на ниво на градови и општини за да се зајакне знаењето за урбаните ризици им помагаат на македонските колеги во запознавање и справување со ризикот од природни катастрофи.
Проектот се спроведува во рамки на „Градење на акциска мрежа за урбана отпорност во Југоисточна Европа“, кој е заеднички проект на ЕУ и Програмата за развој на ОН (УНДП), финансиран од Програмата за цивилна заштита и хуманитарна помош (DG ECHO) во земјите на Југоисточна Европа.
-Хрватскиот модел може да биде од големо значење. Ние одржавме десетина консултативни конференции и заклучивме дека овој начин на соработка е најдобар. Пристапивме кон институционализирање на локалните Координативни совети кои од неформални станаа формални тела и се мост меѓу државните институции и локалната средина, објасни хрватскиот експерт Маријан Вунтаќ.
Додаде дека на овој начин освен што се поорганизирани и многу поефикасни во координација на локалното население во случај на некаква природна непогода или катастрофа, истовремено може ефикасно да ги користат финансиските средства од инструментите кои ги нуди Европската унија.
Тоа беше и целта на првиот состанок, што се одржа во Струмица, запознавање со проектот и искуството од Хрватска во намалување на ризикот од природни катастрофи преку Платформата на хрватските жупании и градови.
Од Центарот за развој на југоситочниот плански регион велат дека оваа акциска мрежа, освен во Македонија, се спроведува и во Србија, Косово, БИХ, Црна Гора, Хрватска и Албанија.
-Проектот ќе се реализира во наредните 24 месеци за кој се обезбедени 577 илјади евра. Акциската мрежа треба да создаде ефикасен систем за заштита од катастрофи за да се заштитат луѓето, животната средина и имотот на населението, рече Жулиета Ѓуркова, директорка на Центарот.
Освен хрватските експерти, на овој настан присуствуваа и претставниците од националните агенции од системот за управување со намалувањето на ризици од катастрофи, нивните локални центри, како и претставници на единиците на локалните самоуправи од регионот, и тела кои работат на намалување на ризикот од катасрофи.
Балкон3 извештај од концертот на Леонард Коен во Истанбул
Велат дека патувањата ги прошируваат хоризонтите, а патувањата до далечни места неминовно ја зголемуваат способноста за перцепција. Истанбул, неофицијално, град на 20 милиони души навистина ги шири вашите видици и поставува дефиниција на она што е големо. Пулсирачки, густо населен град кој е во постојано движење, дење-ноќе, низ бескрајните лавиринти на улици, згради, сообраќај и реки од луѓе. Невозможно е да се набројат случувањата во текот на денот и недостигаат зборови да се опише особената атмосфера. Истанбул е вистински крстопат каде се среќаваат истокот и западот. Распослан на два континенти, поделен со Босфорскиот теснец, но исто така поделен со контрасти кои ги забележувате на секој чекор. Наоѓалишта кои сведочат дека во минатото бил главен град на две големи империи, додека денес е културен и политички центар на современа Турција.
Концертот на Леонард Коен беше причина да го посетам Истанбул и не можев премногу да талкам надвор од предвидениот распоред – да најдам сместување близу спортската сала Улкер каде се одржа концертот, да ја пронајдам салата и да стигнам на време а потоа безбедно да се вратам на главната автобуска станица (Buyuk Otogar) во Бајрампаша. Навигацијата низ овој древен мегалополис, низ долгите мрежи на автобуси, метро и мини комбиња е во исто време предизвик и авантура, особено кога ретко се среќава човек кој зборува англиски.
Поголемиот дел од знаците се напишани само на турски и во таква ситуација најдобро е да не дозволите логиката да ви се испречи во комуникацијата со луѓето на улица. Сè што е потребно е да зборувате течно со раце и гестикулации и да ги знаете имињата на местата до кои сакате да стигнете. За среќа, Турците се едни од најотворените и најпријатните луѓе што сум ги сретнал. Google Maps помага да дознаете каде е точката А и како да стигнете до точката Б, но времето потребно за тој навигациски потфат е многу долго. И повторно мора да се потпрете на луѓето кои ги среќавате по пат. Сите тие се погрижија да останам на вистинскиот правец и во точниот автобус. Нивната неверојатна љубезност ме трогна уште повеќе бидејќи не ја очекував во град како Истанбул.
Спортската сала Улкер е затворена арена која се наоѓа во населбата Аташехир. Тоа е прекрасно заоблено здание со капацитет од 15.000 седишта и освен што е место на случување на големи спортски настани, салата беше и една од станиците на светската турнеја на Леонард Коен насловена Old Ideas World Tour. Последен пат присуствував на концерт на Леонард Коен во Белград, Србија и тоа беше еден настан за паметење. Претходната турнеја траеше две години и доби одлични критики. Кога заврши во 2010, со 247 концерти зад себе, Коен веднаш започна со работа на неговото следно дело Old Ideas (Стари идеи). Таа турнеја, 2008 – 2010, и новиот албум покажаа дека и покрај своите веќе одминати години Леонард Коен е сè уште моќен и магичен изведувач и автор. Леонард Коен не свири песни – тој свири чувства. Освен што е благословен со “златен глас”, тој ја има и дарбата да комуницира со својата многубројна публика. Тоа е всушност тајната на човекот чиишто песни, поезија и проза станаа водичи кон најскриените и најтемни длабочини на нашите срца и души.
За бендот и за публиката секоја песна претставуваше посебен настан. Реакцијата и радоста која публиката ја покажуваше на секоја песна го прави потполно безначаен фактот што тој никогаш немал песна која се наоѓала на Top 20 листите. Не секој ден може да се види 79-годишниот Леонард Коен како немирно потскокнува на сцената и клекнува за да ја испее “Dance Me till the End of Love”. Неговиот хумор, огромна енергија и скромност ја обземаат и хипнотизираат публиката. Бендот ја отвора својата душа, воспоставува цврста врска со публиката и заедно нуркаат во светот на раскошна, тивка почит. Песните кои ги изведоа беа од сите периоди на плодната кариера на Коен заедно со некои нови остварувања кои многу ветуваат. Покрај најпознатите “The Future”, “Bird on a Wire”, “Everybody Knows”, “In My Secret Life”, “Suzanne”, бендот ги отсвире и “Darkness”, “Amen”, “Going Home”, “Anthem” од Old Ideas кои беа одлично прифатени.
Забележително, Леонард Коен покажа нешто што во овој дел од светот се смета за одлика на големите луѓе. Тој покажа црти на понизност и скромност кои се очекуваат од луѓе од повисок ранг. Во поголем дел од концертот тој беше понесен од самата моќ на музиката и пееше на колена или потпрен на едно колено, љубезно комуницираше со публиката и им се заблагодари на честитките за неговиот роденден. Како вистински лидер стоеше опчинет од изведбата на неговиот бенд, симнувајќи капа на музичарите кои, на моменти, блескаа на своите инструменти. Пратечките вокали исто така имаа прилика да ги покажат своите вокални способности. Сестрите Webb ја испеаја “If It Be Your Will” додека Шерон Робинсон, која Коен ја нарече “неспоредлива”, неколкупати во текот на концертот отпеа прекрасна, трогателна верзија на “Alexandra Leaving”. Концертот заврши после 3 часа и две враќања на сцената. Но ноќта не заврши со концертот. Некој ја искористи оваа прилика да ѝ предложи брак на својата љубена пред вратите на салата. Запознав една убава девојка од Техеран, Иран дојдена специјално за концертот.
Исто така имав и пропусница за позади сцената. Шерон Робинсон ме пречека и запозна со членовите на групата. Таа е прекрасна жена и беше вистинско задоволство да ја запознаам и интервјуирам.
Секако најголема возбуда за мене беше личната средба со Леонард Коен. По 3 часа свирење и пеење тој сè уште беше полн со енергија и ентузијазам и најверојатно ќе можеше а свири уште толку. Беше заинтересиран за земјата од која потекнувам, јазикот кој го зборувам, јазиците со кои е поврзан и што е тоа што го прави посебен. Премногу беше кратко времето за да се објасни сè, но им оставив на поклон неколку компакт дискови, нешто што ќе може засекогаш да го имаат.
Светлата на салата Улкер почнаа да згаснуваат, но впечатоците од музиката на Леонард Коен засекогаш ќе останат како светла точка во сеќавањата, нешто што ние ќе може засекогаш да го имаме.
Најважните моменти од најголемиот празник во годината
Тешко може да се опишат интензивните чувства за време на Велигден во Грција. Има очигледни и јавни промени на расположенија (од среќа во тага, од елегија во екстаза, од лирични чувства до хедонистичко уживање во добро друштво и храна). Педесетдневен пост му претходи на Велигден а во последната седмица (Светла Седмица) секојдневниот живот се одвива во склад со одбележувањето на сите драматични настани опишани во Евангелијата. Обичаите се различни во зависност од регионот, но и поради предхристијанските обичаи – прославувањето на обновувањето на природата и пролетната рамнодневица не случајно се поврзуваат со Велигден.
Современиот живот и урбанизацијата го сменија начинот на кој ја перцепираме духовната страна на Велигден. Во денешно време повеќето луѓе постат само во текот на Светлата Седмица, а голем број воопшто не постат. Многумина не ги посетуваат бројните црковни служби кои се изведуваат во текот на целиот пост. Сепак, било да се верници или не, луѓето навистина сакаат да учествуваат во овој настан затоа што на тој начин членовите на заедницата се зближуваат. Постот исто така се смета за обид за прочистување и ревитализација на духот, па поради тоа многу луѓе се придржуваат до правилата за постење, но не во духовна смисла туку во секуларна – како воздржување од храна од животинско потекло (вегетаријанска исхрана со исклучок на морска храна и мед) и постењето е сè попопуларно кај оние кои се грижат за своето здравје. Секако и активностите на отворено и уживањето во обновувањето на природата се неразделни елементи на Велигденската традиција.Јоргован (Paschalia) е цвеќе кое го симболизира Велигден бидејќи неговото име е уште еден синоним во грчкиот јазик за овој празник. Пасха е официјалното име за Велигден кое доаѓа од еврејскиот збор – премин.
Сите видови морска храна, житарки, мешунки и зеленчук се конзумираат во текот на големиот пост а виното е неизбежен придружник на секој јадење.Многу често во грчките домови за десерт се служи алва (смеса од мелен сусам и шекер), но и во рестораните како знак на внимание од сопственикот.
Ова се неколку од најпознатите обичаи поврзани со празникот и сите се поканети да земат учество во прославата. Цветници е ден кога после литургијата на верниците им се делат крстови направени од исплетени палмови гранчиња. Постот дозволува јадење риба па низ цела Грција на овој ден се подготвуваат највкусните специјалитети од риба.
Украс од палмови гранчиња на островот Китера
Свеќите (Lampades) се подарок пригоден и за деца и за возрасни. Се изработуваат на безброј инвентивни начини но еве неколку традиционални украси: бубамара (paschalitsa што значи мала Велигденска дама) е симбол на Велигден и на пролетта.
Велики Четврток е ден кога се фарбаат Велигденските јајца во црвена боја како симбол на распнувањето кое во црквите се одбележува подоцна истата вечер во свечена атмосфера. Некои луѓе претпочитаат да ги фарбаат јајцата на традиционален начин со лушпи од кромид или со специјална техника на фарбање со користење на природни цвеќиња и листови.
Четврток е исто така ден за печење цуреки (tsoureki), зачинети Велигденски кифлички. Рецепт кој доаѓа од Истанбул но најчесто се практикува во Солун.Велигденските кифлички кулуракија (koulourakia) се исто така популарни особено во јужна Грција. Заедно со цуреки (tsoureki) тие се разменуваат како подарок помеѓу роднини и пријатели.
Велики Петок е прв државен празник од Велигденските празнувања па многу луѓе патуваат до своите родни места или во природа на село. Тие кои остануваат во градовите имаат избор да ги посетат околните манастири каде ќе го почувствуваат Велигденскиот дух. Враќањето кон корените подразбира и посета на вечните почивалишта на претците кои се украсуваат со пролетно цвеќе и се палат свеќи во нивно сеќавање. Најзначајниот настан утрото на Велики Петок е цветното украсување на гробот Христов (Epitafios) како симбол на погребувањето на Исус Христос. Вообичаено тоа е парче платно на кое е извезена сцената на оплакувањето поставено на мал дрвен ковчег.
Украсен Христов гроб од манастирот Влахерна, Солун
Жените избираат со какви цвеќиња да се украси гробот и парохиите се наттпреваруваат во тоа чија декорација ќе биде поспектакуларна. Прошетка низ соседството е шанса да се разгледаат сите мирисни, шарени гробови кај соседите и е еден од омилените моменти од празникот. Вечерта на Велики Петок се одржува процесија која потсетува на погребна поворка. Луѓето држат темни свеќи во знак на жалење и ги пеат најтажните црковни стихови. На островите и крајбрежјето, места со долга поморска традиција, Христовиот гроб се носи на море и процесијата се движи низ пристаништата и бродовите.
Хидра, Сароник
Утрото на Велика Сабота исто како и претходното на велики Петок започнува тивко. Продавниците се затворени но тишината нема да трае долго. Прв кој ја нарушува тишината е градот Крф: во 6 часот наутро од црквата на Пресвета Богородица (Panagia Xenon) се слушаат звуци на громогласно тресење и викот кои го означуваат земјотресот опишан во Библијата кој се случил по смртта на Исус на крстот.Крф е многу познат по обичајот наречен “војна на бокалите” кога садови од теракота се фрлаат од балконите за да се прослави “првото воскреснување” кое се слави во Грција во сабота напладне. Специјални садови (botides) се полнат со вода за да се добие посилен звук кога се кршат на средновековните камени улици.
Првото воскреснување всушност се случува во Ерусалим каде Светиот Оган се пали во внатрешноста на Црквата на Христовиот гроб за време на еден мистичен ритуал на кој присуствуваат претставници од сите христијански вери и Православната Христијанска црква. Оганот се пренесува со ламба во авион до Грција за понатаму да се пренесе низ сите цркви во земјата. Најинтересниот момент е околу петнаесет минути до полноќ кога сите светла се исклучени, а луѓето се собрани во црквите во потполна темница. Во тој момент од внатрешноста на црквите огнот се пренесува со свеќи брзо ширејќи се наоколу… Точно на полноќ се пее Велигденската песна: “Христос Воскресна!”… или само така си претпоставувате затоа што во Грција на полноќ може и воопшто ништо да не слушнете. Огромен број петарди пукаат во тој момент, црквените ѕвона ѕвонат, луѓето се прегрнуваат и поздравуваат со “Христос Воскресна”. Соговорникот треба да одговори “Навистина воскресна”, но тоа секако едвај ќе го можете да го слушнете.
На островот Калимнос вревата е посилна од било кое друго место: наместо петарди луѓето фрлаат вистински динамит од карпите кои го опкружуваат градот.
На островот Киос “војната на ракетите” започнува помеѓу 2 ривалски заедници кои целат кон црковните ѕвона.
Запалените свеќи се носат дома и се приготвува специјална вечера за семејството и пријателите. Традицијата наложува тоа да биде јагнешко како симбол на “жртвата” или супа од јагнешки внатрешници и пролетни зачини (mayiritsa).Забавата со кршење со јајца започнува. Оној чие јајце ќе остане цело до крај, после кршење со сите присутни е победник. Не е важно ако не го знаете ритуалот на благослови и одговори за време на овој обичај (учите додека се забавувате!).
Недела е ден посветен на заедничко славење и забава. Се играат традиционални танци, се пеат песни на отворено и ова е одлична прилика да се запознаете со разновидноста на грчкиот фолклор за време на организираните настани на централните плоштади во селата и градовите.
Парос, островите Киклади
Популарна народна песна посветена на пролетта од Тракискиот регион…
…и една од Крит.
Секое семејство подготвува ручек со јагнешко месо којшто е секогаш премногу комплициран и долготраен процес со кој не можете сами да се справите. Луѓето пеат, танцуваат, пијат и се мезат од многубројните предјадења додека чекаат да се приготви јагнешкото и да се постави Велигденската трпеза. Соседите се посетуваат за да си го честитаат празникот и да наздрават. Румелискиот регион е познат по печено јагне на ражен, обичај кој е задржан претежно во внатрешноста на Грција. Мажите се задолжени за поставување и надгледување на печењето, но сите доаѓаат да го свртат раженот барем по еднаш.
Колачињата со младо сирење и мед од Егејот (melitinia на Санторини, kaltsounia на Крит) се десерт кој мора да го пробате. Сите видови на кифлички со сирење се добредојдени на Велигденската трпеза.
Понеделник е последниот државен празник од Велигденските денови (во меѓувреме децата уживаат во втората недела од пролетниот распуст). За промена, ништо посебно не се организира на овој ден. Сите одмараат особено оние кои конзумирале јагнешко малку повеќе одошто требале!
Не е важно кое место ќе го одберете – Велигден во Грција е уникатно искуство и најдобра можност да ги запознаете луѓето, па се надевам ќе се видиме наскоро!
Здружението Граѓански Центар за Оддржлив Развој ЕГРИ од Крива Паланка е едно од ретките граѓански асоцијации од руралните македонски општини, кои активно се вклучени во интернационални активности – вмрежувања, партнерства и во имплементација на проекти финансирани од различни европски фондации.
Во рамките на ИПА Програмата за прекугранична соработка помеѓу Македонија-Бугарија, во партнерство со Фондацијата СТРАТОС од Белица го имплементираше проектот „Интегриран развој на човечките ресурси во прекуграничниот регион Македонија и Бугарија“ (12.2013- 12.2014), во кој беше извршено истражување на образовните прилики во регионот, можностите и условите за студирање во регионот, мобилност на населението за образование и барање на работа, итн. Проектот резултираше со креирање на Стратегија за развој на човечките ресурси во прекуграничниот регион и промоција на е-платформа за активните баратели на работа.
Во Програмата Млади во акција (12.2013 – 07.2014) беше имплементиран проектот „Руралните млади ја обединуваат Европа“, во рамките на кој Здружението ЕГРИ и Крива Паланка беа успешни домаќини на тренинг сесијата, на која учествуваа преку 30 претставници од 15 различни европски држави.
Во рамките на програмата Европа за граѓаните. Здружението ЕГРИ е партнер на мрежата од 14 различни субјекти од европски држави во имплементација на проектот „Democratic ownership and Civil Participation in Europe„ .
Проектот се финансира во рамките на програмата Европа за граѓаните. Носител на проектот е словенечкото здружение Друштво за рурален развој ЛАЗ од Шмартно при Литија, а партнери се – Здружение за развој на спорт, туризам и култура – ASCT Turia Bálványos од Романија, Општина Кистарча/Унгарија, Унгарско културно уметничко друштво „Arany János” од Копачево/Хрватска, Gmina Radomyśl nad Sanem/ Полска, Институт за регионален развој Новохрад/Словачка, Jugend- & Kulturprojekt e.V. / Дрезден, Германија , Општина Бачка Топола/Србија, Оmilos Unesco Serron Ellados Serres/ Серес, Грција, Општина Серес/Грција, Општина Велико Трново/Бугарија, Општина Верона/Италија, СRDLS/Албанија, Универзитет за економија и технологија Будимпешта/ Унгарија и Здружението Граѓански Центар за Оддржлив Развој ЕГРИ од Крива Паланка.
Првиот настан “ВОЛОНТЕРСКА АКАДЕМИЈА” на DOCPIE проектот се оддржа во Дрезден, Германија во периодот од 8 до 10 мај организиран од германскиот партнер Jugend-& Kulturprojekt e.V. “ВОЛОНТЕРСКАТА АКАДЕМИЈА” – состанокот кој коинцидираше со неделата на Европската Унија 2015 и претставниците на останатите 14 партнери од проектот DOCPIE project имаше презентации, работилници и дискусии на тема на волонтеризмот како иницијатива на ЕУ што поттикнува активено Европско граѓанство ицивилен ангажман.
На почетокот на настанот, се оддржа состанок на проектниот управувачки комитет на кој се дискутираше за прогресот на проектот DOCPIE, и задачите на секој од партнерите. Централен момент на настанот беше и саемот во Дрезден насловен како “СЛЕДЕН ЧЕКОР”, каде локалните жители, особено младите луѓе од Дрезден и поширокиот Саксонски регион беа поканети да бидат информирани за волонтерството во локалните, регионалните и националните организации што нудат младинска партиципација и граѓански ангажман.
NESCAFÉ им подари кафе на граѓаните кои патуваат со автобусите на ЈСП во главниот град.
Замислете ситуација, сонливи, нерасонети, се возите во градски автобус до училиште, до факултет, до работа, на состанок или на закажана средба со пријателите или со партнерот. И она што ви недостасува е кафе што може да ве расони и внесе подготвени во секојдневната рутина. Познавајќи ги желбите на своите потрошувачи, NESCAFÉ токму затоа, излезе во пресрет на граѓаните на Скопје и во текот на месец април подели 15.000 примероци кафе во автобусите на ЈСП кои сообраќаат на повеќе линии во главниот град.
Но не само во автобусите. NESCAFÉ е секаде низ главниот град и поголемите градови во Македонија, со цел да понуди будење и дополнителна концентрација. Со редовните акции на NESCAFÉ само во Македонија во 2014 се поделени 285.764 NESCAFÉ примероци кафе, или околу 14 проценти од вкупната популација во земјата минатата година беа почестени со NESCAFÉ.
Оваа година се планирани нови креативни и уште поголеми акции, за да се надмине фантастичната бројка од близу 300.000 граѓани да бидат послужени со NESCAFÉ.
Кафето секако е еден од најпопуларните напивки во Македонија. Љубителите на кафе не го почнуваат денот без оваа „магична“ напивка и слободно може да се каже дека кафето е повеќе култура отолку пијалак.
