Balkon3

Tag: Аеродром

  • БЕЗ ВРСКИ И КОРУПЦИЈА: „МЗАЕДНИЦА“ АЕРОДРОМ – ЗА ПОГОЛЕМА ДОВЕРБА ВО ОПШТИНАТА

    БЕЗ ВРСКИ И КОРУПЦИЈА: „МЗАЕДНИЦА“ АЕРОДРОМ – ЗА ПОГОЛЕМА ДОВЕРБА ВО ОПШТИНАТА

    Повеќе од 650 граѓани на Аеродром веќе се имаат регистрирано на апликацијата „мЗаедница“. Доминантни се пријави и иницијативи за уредување на зеленилото, санација на урбаната опрема, но и подобрување на безбедноста во сообраќајот. Оваа платформа претежно ја користат младите луѓе, но активни се и повозрасни корисници.

    Општина Аеродром е една од последните локални самуправи која започна да ја користи дигиталната платформа „мЗаедница“. Оваа мобилна и веб – апликација, која се промовираше пред аеродромци пред нешто повеќе од еден месец предизвика голем интерес кај локалната заедница.

    Најпрво, Аеродром е една од најголемите и најурбани скопски општини, со повеќе од 75 илјади жители. Оттука, очекувано е интересот за дигитализирани јавни услуги и двонасочна комуникација да биде поизразен.

    Зошто „мЗаедница“ во Аеродром?

    Центарот за социјални иновации БЛИНК 42 – 21 и општина Аеродром воспоставија првична комуникација уште при крајот на 2021 година. Придобивките кои ги дава „мЗаедница“ како што се: поквалитетни јавни услуги, поефикасна општинска администрација и пониска корупција на локално ниво беа главните точки на спојување меѓу БЛИНК 42 – 21, градоначалникот Тимчо Муцунски и општинското раководство.

    Независно што дигиталната платформа овозможува: аплицирање за субвенции по дигитален пат, двонасочна комуникација (преземање иницијативи и пријавување на проблеми), истата има и многу други придобивки, кои системски го унапредуваат работењето на локалната самоуправа. Намалувањето на стапката на корупција е еден од главните проблеми во Македонија, а токму дигитализираните јавни услуги се спротивставуваат на селективниот пристап и пристрасност (која честопати ја среќаваме во органите на државната управа).

    Повеќе од 650 регистрирани граѓани

    Бројките се најдобар показател за користењето на „мЗаедница“ во општина Аеродром. Имено, за овој период регистрирани се повеќе од 650 граѓани. Тие имаат креирано свои профили на апликацијата, кои ги користат за дневна комуникација со општинската администрација. До овој момент, во Аеродром, во процес на решавање се 136 проблеми. Затворени, односно решени се 73 проблеми (каде што во најголем дел од случаите, општинската служба прикачува фотографија за промената која е направена на терен: исчистен отпад, променето јавно осветлување, санирани реквизити на детски и спортски игралишта и сл.).

    Граѓаните поднеле и 9 иницијативи. Станува збор за предлози, чија главна цел е да се подобри квалитетот на живот по населбите. Дел од нив предлагаат изградба на трим патека за трчање, со цел поголема физичка активност на младите и сите граѓани. Исто така, видливи се и иницијативи за воведување на зонско паркирање во Мичурин, поставување на „лежечки полицајци“ пред ул. „Видое Смилевски – Бато“ 8А, изведба на пешачка патека во парк „Лисиче“, изградба на парк за миленици во Стар Аеродром и сл.

    Воочлива е и брзата и прецизна комуникација на администрацијата, каде што секое задолжено лице дава целосен и точен одговор кон граѓанинот.

    Дигитализација на општинските субвенции

    Во претстојниот период, општината ќе продолжи и со дигитализација на субвенциите за купување на велосипед, еднократна помош за новороденче/прваче, како и финансиска поддршка за спортски клубови и граѓански организации.

    На овој начин, граѓаните и другите субјекти ќе можат да аплицираат на брз и едноставен начин, по дигитален пат, без физичко присуство во општината. Користејќи ја „мЗаедница“ штедиме дел од нашите средства, но и време, како најзначаен ресурс во секојдневието.

    Платформа која ја враќа довербата кај младите

    Бројките на последниот Попис покажуваат дека 10.5 % од младите се иселиле од Македонија. Ако во 2002 биле евидентирани 480.828 млади на возраст од 15 до 29 години, во 2021 попишани се вкупно 326.733 млади луѓе на возраст од 15 до 29 години. Една од главните причини (по неколку домашни и меѓународни истражувања) поради која си одат младите е и недовербата во институциите и нивото на корупција.

    Најголем дел од регистрираните граѓани на „мЗаедница – Аеродром“ се токму млади луѓе. Затоа што младите ја препознаваат дигитализацијата како процес кој гарантира брзо остварување на нивните права и обврски, без користење на врски или соочување со административни „лавиринти“.

    Симнете ја мобилната апликација:

    📲 App Store: https://apple.co/2SbERqJ

    📲 Google Play: https://goo.gl/Y9qhpE

    Десктоп верзија: www.mzaednica.mk

    Овој текст е изготвен како дел од проектот „мЗаедница за еЗаедница“ поддржан од проектот „Зголемување на граѓанското учество во Дигиталната агенда – ИЦЕДА“, ко-финансиран од Европската Унија и спроведуван од Фондацијата Метаморфозис (Северна Македонија), Академија за е-владееење (Естонија), Levizja Mjaft! (Албанија), “Партнери за демократска промена Србија (Србија) “, НВО 35мм (Црна Гора) и ODK – Oтворени податоци Косово (Косово).

    Содржината на овој текст е единствена одговорност на Центарот за социјални иновации Блинк 42-21 и на ниеден начин не ги одразува ставовите на Европската Унија.

     

     

     

  • ГРАЃАНИТЕ БАРААТ ПОЧИСТИ НАСЕЛБИ, ОПШТИНИТЕ СО ЗГОЛЕМЕНА СТАПКА НА ОДГОВОР ПРЕКУ „мЗаедница“

    ГРАЃАНИТЕ БАРААТ ПОЧИСТИ НАСЕЛБИ, ОПШТИНИТЕ СО ЗГОЛЕМЕНА СТАПКА НА ОДГОВОР ПРЕКУ „мЗаедница“

    Дигиталната платформа „мЗаедница“ (мобилна и веб – апликација) продолжува успешно да се развива во општините Карпош, Валандово и Кочани, а од неодамна и во општините Аеродром, Кисела Вода и Крива Паланка. Согласно достапните статистики, до овој момент преку „мЗаедница“ преземени се повеќе од 3.800 активности (пријава на проблеми или споделување на идеи за развој на населбите).

    Тоа што охрабрува е што континуирано расте бројот на активни корисници. Повеќе од 3.000 граѓани, активно ја користат апликацијата на дневно ниво и имаат континуирана двонасочна комуникација со локалните самоуправи.

    НАЈЧЕСТО ПРИЈАВУВАНИ ПРОБЛЕМИ

    Според истражувањето кое го спроведе Центарот за социјални иновации БЛИНК 42 – 21  најчесто пријавуваните проблеми и споделени предлози преку „мЗаедница“, во сите општини, се однесуваат на животната средина односно управувањето со отпадот. Следна област, за која  граѓаните изразуваат највисок интерес е  јавното осветлување, како и локалната инфраструктура (ударни дупки по сервисните улици; проблеми со канализацијата и водоводната мрежа; небезбедни шахти).

    Во однос на предлозите и иницијативите кои граѓаните ги поднесуваат до општините, во континуитет се повторуваат барањата за обнова на реквизитите во детските игралишта. Дополнително, граѓаните пријавуваат и решенија за побезбеден сообраќај (особено околу градинките и основните училишта) како и иницијативи за подигнувањето на хаварисаните (неисправни) возила, што е предизвик за речиси сите локални самоуправи и корисниците бараат поитна акција во овој сегмент од работењето.

    Зголемена е и стапката на одговор од страна на претставниците на општините. Речиси 87 % од пријавените проблеми/идеи се разгледани од општините, а повеќе од половина пријави се решени и промената е видлива на терен.

    ДИГИТАЛИЗИРАЊЕ НА СУБВЕНЦИИТЕ

    Со почетокот на пролетта, дел од општините ќе објават и јавни повици за субвенционирање на купување на нови велосипеди. Оваа јавна услуга ќе биде целосно дигитализирана, со што граѓаните на Аеродром и Кочани нема да имаат потреба да одат до општината туку директно ќе ги поднесуваат документите преку „мЗаедница“.

    Исто така, во постапка е дигитализација на субвенциите за набавка на инвертер клими и печки за палети во Кочани.

    Во моментов, граѓаните на Валандовo аплицираат по дигитален пат за еднократна помош за прваче, новороденче и поддршка за семејства во социјален ризик.

    Праксата покажува дека општините, кои веќе во континуитет ги дигитализираат јавните услуги, имаат и проактивен пристап. Локалните самоуправи ги гледаат придобивките од дигитализацијата и веќе самостојно ги известуваат граѓаните да аплицираат по електронски пат, но и во јавните повици ја наведуваат „мЗаедница“ како релевантна алатка преку која граѓаните можат целосно да го остварат своето право.

    „мЗаедница“ ДОСТАПНА ЗА ТРИ  НОВИ ОПШТИНИ

    Граѓаните на Аеродром, Кисела Вода и Крива Паланка, од неодамна можат да ја користат „мЗаедница“. Дигиталната платформа е прилагодена за секоја од општините, со што и жителите на овие локални самоуправи можат да остваруваат права по дигитален пат и да комуницираат со својата општина.

    Последна од приклучените општини е скопската општина Аеродром. За краток период, . За успешната двонасочна комуникација меѓу граѓаните и општината, „говори“ и бројот на 23 затворени – решени проблеми во Аеродром, а 38 пријави се во процес на решавање.

    Во претстојниот период, оваа дигитална платформа ќе биде достапна за уште повеќе граѓани, општини и други локални чинители.

    ПЛАТФОРМАТА Е ПРЕПОЗНАЕНА ОД ЛОКАЛНАТА ЗАЕДНИЦА

    Со последното надградување на дигиталната платформа, направена е можност свои профили на „мЗаедница“ да креираат и граѓански организации, институции, медиуми и компании. Имајќи предвид дека дел од овие чинители функционираат само на локално ниво, се овозможува дополнително нивно поврзување со локалната заедница. Бројките покажуваат дека до овој момент, 10 граѓански организации и 10 образовни институции (училишта, градинки) креирале свои профили на „мЗаедница“, а истото го направиле и пет приватни компании.

    Преку креирањето профили од овие субјекти, се отвора можност и нивната комуникација со општината да се одвива по дигитален пат. Особено кога станува збор за деловните субјекти (фирми), кои често соработуваат со локалните самоуправи. На пример, рестораните/кафулињата бараат согласности за да постават урбана опрема (маси/столици) на јавен простор или пак редовно поднесуваат барања за заверка на нормативи за храна и пијалоци до општините. Кога овие административни постапки би се дигитализирале, уште повеќе ќе се олесни комуникацијата меѓу приватниот сектор и општините, а и администрацијата би била поефикасна.

    Оттука, „мЗаедница“ може уште повеќе да се надградува и да се доближува до потребите на граѓаните, што е и меѓу главните цели на креативниот тим од Центарот за социјални иновации БЛИНК 42 – 21.

    Симнете ја мобилната апликација:

    📲 App Store: https://apple.co/2SbERqJ

    📲 Google Play: https://goo.gl/Y9qhpE

    Десктоп верзија: www.mzaednica.mk

    Овој текст е изготвен како дел од проектот „мЗаедница за еЗаедница“ поддржан од проектот „Зголемување на граѓанското учество во Дигиталната агенда – ИЦЕДА“, ко-финансиран од Европската Унија и спроведуван од Фондацијата Метаморфозис (Северна Македонија), Академија за е-владееење (Естонија), Levizja Mjaft! (Албанија), “Партнери за демократска промена Србија (Србија) “, НВО 35мм (Црна Гора) и ODK – Oтворени податоци Косово (Косово).

    Содржината на овој текст е единствена одговорност на Центарот за социјални иновации Блинк 42-21 и на ниеден начин не ги одразува ставовите на Европската Унија.