Balkon3

Tag: фестивал

  • Андерсон .Паак го отвори последното издание на „Дименжнс“

    Андерсон .Паак го отвори последното издание на „Дименжнс“

    Со спектакуларен настап во пулската Арена, американскиот хип-хоп артист, добитник на Греми за
    2018, Андерсон .Паак синоќа го отвори последното издание на фестивалот на електронска музика
    „Дименжнс“.

    Поддржан од својот осумчлен бенд „Д фри нешналс“, .Паак направи неверојатна атмосфера во
    ова историско здание пред околу 10.000 луѓе. Вечерта со одлични настапи ја надополнија и
    ветеранот на детроитското техно, Џеф Милс, германскиот двоец Објект и корејскиот диџеј Хуни.


    Од вечерва до недела, Тврдината „Пунта Кристо“ последен пат ќе биде домаќин на стотици
    диџеи, бедндови и изведувачи од врвот на електронската андерграунд музика.

    Самоил Петрески

  • Познати добитниците кои Балкон3 ги праќа на фестивалот Dimensions во Пула

    Познати добитниците кои Балкон3 ги праќа на фестивалот Dimensions во Пула

    Борис Момиќ е добитник на двете влезници за еден од најреномираните европски фестивали за електронска музика „Dimensions“, кој по осми пат годинава, од 28 август до 1 септември, ќе се одржи во тврдината Пунта Кристо во близината на Пула, Хрватска.

    Тој беше еден од многуте учесници во наградната игра кои точно одговорија на двете поставени прашања:

    • Каде се одржува „Dimensions“?
    • Кое по ред е ова издание на фестивалот?

    Честитки за добитникот и му посакуваме одличен провод на фестивалот!

  • Балкон3 ве носи во Пула на Dimensions Festival 2019!

    Балкон3 ве носи во Пула на Dimensions Festival 2019!

    Balkon3.com ве носи на еден од најатрактивните фестивали на електронска музика во Европа – Dimensions Festival 2019! Прекрасна плажа, грандиозна тврдина и одлична музика се комбинација од соништата за крајот на летото.

    Се што треба да направите за да добиете две карти за овој фестивал кој се одржува од 29 август до 1 септември на една неверојатна локација во близината на Пула, Хрватска, е да одговорите на двете прашања и одговорите да ги пратите на: info@localhost/balkon3-multisite

    1. Во која тврдина се одржува Dimensions?
    2. Кое по ред е годинешното издание на Dimensions?

    На еден среќен добитник ќе му доделиме две блок-карти за сите четири дена од фестивалот за да може со уште еден партнер или пријател да ужива на Истарското крајбрежје.

    Праќајте ги вашите одговори со име и презиме на info@localhost/balkon3-multisite и чекајте ја објавата на 15 август. Среќно!

  • Тврдината „Пунта Кристо“ се простува од Дименжнс

    Тврдината „Пунта Кристо“ се простува од Дименжнс

    Кога Австроунгарската империја ја изградила тврдината „Пунта Кристо“ пред 150 години, очекувањата биле дека најсилниот звук во неа ќе доаѓа од пукањето на топовите што ќе го бранат најважното воено пристаниште на Јадранот, градот Пула, од непријателите што ќе се обиделе да го освојат. Во изминативе седум години сосема различни и многу помирољубиви звуци се одбиваа од нејзините ѕидови и доаѓаа од озвучувањето на еден од најреномираните европски фестивали на електронската музика – „Дименжнс“.

    Но годинава и оваа армија ќе се повлече од стратешката позиција на ридот на 45 метри над морето. Утврдувањето за последен пат ќе биде домаќин на одбраното друштво љубители на електронската музика кои ќе дојдат на годинешното издание на „Дименжнс“.

    Уште една спектакуларна древна локација ќе биде местото каде на 28 август ќе стартува осмиот по ред „Дименжнс“ – прочуениот амфитеатар „Арена“ во Пула. Стара околу 2.000 години, „Арена“ е единствениот римски амфитеатар кај кој целосно е зачувана оригиналната архитектура, од 200 такви објекти во светот. Сосема соодветно на моментот, човекот кој ќе ја има честа да го отвори фестивалот ќе биде никој друг туку легендата на електронската музика, „Волшебникот“, Џеф Милс.

    Него ќе го придружува еден од највозбудливите тапанари на минатиот век, Тони Ален, водачот на бендот на култниот африкански пејач Фела Кути, кого самиот Кути и Брајан Ино го прогласија за татко на афробитот. Нова димензија на денс-музиката, пак, ќе и даде третиот изведувач на отворањето, Обџект, кој ќе презентира песни од својот последен албум.

    Меѓу неколкуте десетици изведувачи во четирите дена на фестивалот со свој сет ќе се појават и Нина Кравиц, Хании, Пола Темпл, Бен УФО, долгогодишниот резидент диџеј во култниот клуб „Фабрик“ во Лондон, Крег Ричардс, како и легендата на детроитската техно сцена, Октејв уан, кој ќе има настап во живо.

    Љубителите на хаус музиката ќе бидат воодушевени од имињата на Џајлс Питерсон, Омар-С, а за проштален настап од тврдината во Пула ќе пристигне хаус легендата од Чикаго, Лери Хрд ака Мр. Фингерс.На првичната листа на објавени имиња има уште многу техно, хаус, д’н’б, соул и диско изведувачи од целиот свет.

    Цената на влезницитеза концертот на отворањето изнесува 270 куни (околу 36 евра). Билетите се продаваат преку следниот линк.

    Цената на влезниците за сите четири дена на фестивалот е 400 куни (околу 55 евра), а нив како и сместување во кампот може да резервирате на следниот линк.

    Самоил Петрески

  • UNITED STATES OF BALKANS Е НАШИОТ СОН

    Интервју со грчкиот бенд Baildsa

    Кога за еден и пол час ќе чуете ска, реге и рап „зачинети“ со препознатливи балкански звуци, ромски мелодии и светски поп „евергрини“, кога на еден концерт публиката ќе игра на песни на Горан Бреговиќ и на Ману Чао, бидете сигурни дека пред вас на сцената е солунската дружина Baildsa.

    Идејата за формирање на музичкиот состав Baildsa ја добиле Танос и Јанис Гунтанос во 2007 година. За кусо време успеале да ја реализираат во пракса и една година подоцна започнуваат со концертни настапи низ цела Грција. Нивната музика е енергична, а текстовите исполнети со космополитски пораки и повици за United States of Balkans. Всушност тоа е името на нивниот единствен албум, издаден во 2011 година. Себеси се претставуваат како „жители на U.S.B. (United States of Balkans) кои се обидуваат да бидат присутни со тегнење жици, удирање во кожа, дување во дупки, стискање црна кутија и со организирање на времето.“ Разговаравме со Танос Гунтанос, фронтменот на Baildsa, веднаш по нивниот настап на Д Фестивал, кој се одржа во Дојран.

    Ова беше ваш прв фестивалски настап надвор од Грција. Како ви се допадна реакцијата на публиката во Македонија?

    – Супер, многу топли луѓе. Ние се обидовме да создадеме добра атмосфера. Првпат сме тука и се надеваме дека ќе дојдеме повторно. Инаку да, ова ни е првпат да настапуваме надвор од Грција. Во септември имаме закажано концерт во Турција, а се прават планови и за во Бугарија.

    Имате интересен репертоар. Покрај авторските песни, имавме можност во ваша изведба да ја чуеме евровизиската „For Real“ на турскиот бенд Атена, како и неколку композиции на Ману Чао.

    – Многу ни се допаѓаат Атена. Мислиме дека има заеднички работи во нивната и нашата музика. Ни се допаѓа песната и ја свириме и во Грција. Ману Чао пак ни е пријател. Многу ни се допаѓа неговата музика. Едноставно ни се допаѓа и ја свириме. Ја сакаме енергијата која ја пренесуваат неговите песни.

    Добро, но можевме да чуеме и песни на Горан Бреговиќ, како и вашата верзија на „Мастика“. Од каде идејата да се искомбинираа толку различни музички стилови?

    – Генерално го свириме тоа што ни се допаѓа. Ако ни се допадне некоја песна од Македонија ќе ја свириме. Ако ни се допадне песна од Бугарија ќе ја измиксаме со нешто што ни е заедничко и познато. Звукот во балканските земји не е многу различен. Јас израснав во мало село во близината на Албанија. Имаме членови во бендот кои живееле во Истанбул. Во Турција, во Македонија звуците се многу слични. Сакаме да пееме на различни јазици. Го користиме ромскиот, турскиот, албанскиот јазик. Се е во врска со нашата идеја за United States of Balkans.

    Имате интересно имe. Од она што можев да го прочитам, Baildsa доаѓа од турски збор, и може да се протолкува дека ви е смачено, дека ви е преку глава. Од што ви е смачено, од што ви е преку глава?

    – Името доаѓа од турскиот збор bayılmak, кој исто така се користи и во други балкански земји, меѓу кои и во Грција. Сакавме нашето име да звучи балкански, но во исто време да има значење кое ќе ја симболизира нашата идеја. Baildsa за нас значи дека повеќе не можеме да го поднесеме ова што се случува со војните, со границите. Ние сакаме да има United States of Balkans и тоа е нашата борба.

    Во песната United States of Balkans повикувате да исчезнат државите и границите, никој да не мора повеќе да оди во војна. Мислите ли дека ова е можно на Балканот?

    – Па, тоа е нашот сон и мислиме дека е можно. Многу е тешко со луѓето кои живеат на овие простори, но има млади луѓе со отворен ум, кои сфаќаат дека границите не значат ништо, дека сите сме браќа. Музиката обединува, имаме и разлики, но треба да бидеме слободни да одиме во сите држави, низ цела Европа, Азија, светот, секаде. Тоа е нашиот сон.

    Мислите ли дека музиката може да ја добие борбата со политиката, со стереотипите?

    – Се надеваме. Многу ни е мило што на луѓето им се доѓа идејата за U.S.B.

    Какво е чувството да се биде жител на U.S.B.?

    – Ха, ха, ха…Чувството е одлично. Се надевме дека еден ден ќе можеме да свириме низ целиот Балкан и да ја споделиме нашата музика со луѓето, и се надеваме дека се поголем број луѓе ќе и се приклучуваат на оваа зедница наречена U.S.B.

    Мирко Трајановски

  • Интервју со Боубакар Траоре – Свирам блуз за своја душа

    Бубакар Траоре е еден од најпознатите блуз музичари ветерани од Мали чија кариера осцилирала од издигнување во најпопуларниот музичар во земјата па се до негова целосна опскурност и заборав.

    boubacar_traore_balkon3

    Познат како „Кар Кар“ или „дриблерот“, неговата кариера повторно се издигнала од заборав за во последните 30 години да направи силна интернационална кариера со својот автентичен африкански блуз. За него се карактеристични повторливите, мелодични фрази карактеристични за руралната музика во Мали, кои го носат неговиот глас обоени со карактеристичните фразирања на американските блузери. Придружен од усна хармоника (а понекогаш и од хармоника) и перкусии кои даваат деликатен пулс на музиката, Бубакар раскажува свои приказни со својот карактеристичен глас. На неговиот емотивен настап на фестивалот ОФФест во Скопје му претходеше документарниот филм за овој легендарен музичар, „Ќе пеам за тебе“, кој ја раскажа неговата животна приказна.

    Во Мали има голем број музичари и бендови, а многумина од нив направија и големи кариери на западот. Што е тоа што ја прави музиката од Мали толку популарна во светот?

    Мене ми е многу драго што луѓето ширум светот ја слушаат музиката од Мали. Сите ние ја свириме и опејуваме нашата реалност. Тоа е вкоренето во нашата традиција и е дел од сегашноста. Луѓето ја слушаат нашата реалност во нашите песни и реагираат на тоа.

     

    Музиката во Мали е многу разновидна и богата. Навистина, земјата изобилува со музичари кои се многу популарни и признати во западниот свет. На што се должи таа разновидност?

    Во Мали има неколку региони и многу племиња. Секое племе или народ си има свој јазик и обичаи кои се сосема различни едни од други. Тоа што ги поврзува овие луѓе е музиката и таа ги спојува сите. Мојата музика е лесно препознатлива и сакам кога ќе ја чујат луѓето да им стане јасно чија e. На северот таа е лесно препознатлива.

    Што е тоа што ја прави вашата музика поинаква од останатите во Мали?

    Во Мали многу се води сметка за уметноста. Таму има многу музичари и музика.

    Меѓутоа јас сум поинаков и мојата музика е поинаква. Јас свирам блуз, чисто за себе и своја душа. Се пронаоѓам себеси во оваа музика. Голема инспирација наоѓам во музиката од ’70 и ’80, каде што доминира гитарата. Една од главните инспирации е и инструментот кора (африканска харфа) која има 21 жица. За разлика од неа, гитарата има 4 жици. Толку многу емоции внесувам во свирењето гитара што потсетува на тоа како четворица истовремено да свират на гитара. По тоа сум познат во Мали, како човекот кој свири на гитара како на харфа.

    boubacar_traore2_balkon3Како го добивте прекарот Кар Кар?

    Во моето село имаше фудбалер кој опасно дриблаше и го викаа Кар Кар. Кога почнав да играм и јас фудбал, и мене ми го дадоа тој прекар: Кар Кар или дриблер. Меѓутоа, ја повредив десната нога и морав да престанам. Денеска дриблањето лесно можете да го најдете во мојата музика, кога дриблам со мелодиите.

    Додека настапувате со бендот вашето играње и движење потсетуваше на фудбалското дриблање.

    Така е, јас на истиот начин и свирам и играм.

    Каква е ситуацијата во Мали во однос на периодот кога милитантите на Ал Каеда ја нападнаа оваа држаа пред некоја година? Милитантите посебно таргетирале музичари и музички инструменти.

    Сега ситуацијата таму е мирна. Меѓутоа, тоа што се случи во Мали се случува секаде. На новото издание имам песна на оваа тема. Ваков немир и хаос не се случува само во Мали туку ширум светот. Насекаде има проблеми и лоши работи. Насекаде има војни и состојбата е ужасна.

    Во една ваша песна од пред 30 години пеете „светот не се променил туку луѓето се промениле“. Дали нешто се променило од тогаш?

    Ден-денес верувам во тоа дека светот не се сменил туку дека луѓето станале полоши. Луѓето меѓусебно многу лошо се разбираат. Ние се менуваме, но на лошо. Сонцето секогаш ќе изгрева на исток и ќе заоѓа на запад, но ние и понатаму ќе се менуваме. Лично за мене работите не се промениле многу. Тогаш правев музика и сега го правам истото. Тогаш музичарите правеа музика, а денес прават пари. Тоа што сум познат во Европа е поради тоа што тогаш правев музика.

    Неодамна го издадовте албумот Mbalimaou. Какви се реакциите?

    Добив многу пофални пораки од сите страни на светот, особено од Канада и Америка, со позитивни реакции и кон крајот на годинава ќе одам на турнеја таму. Во овој период настапувам во Англија и Италија, каде што свирам песни од овој албум. Тој излезе многу скоро – пред 4 месеци и реакциите се многу добри.

    boubacar_traore1_balkon3

    На новото издание гостува и музичарот на кора Балаке Сисоко.

    Сисоко го познавам многу одамна но дури пред една година се одлучивме да работиме заедно. На ова издание сакав да имам кора и го одбрав него.

    Како гледате на вашето прво издание Мариам?

    Тоа издание беше тоа што ме лансираше повторно меѓу ѕвездите. Албумот беше откриен во Англија и благодарение на него сега имам интернационална кариера. Таа песна се уште ја изведувам на концертите и се уште многу и се допаѓа на луѓето.

    Според вас, каква е сличноста помеѓу американскиот блуз и вашиот блуз од Мали?

    Блузот е блуз, а џезот си е џез. Ритмите се можеби различни, но музиката и емоциите се исти.

    Ненад Георгиевски

    Фото: Татјана Ранташа

     

  • Меѓународна премиера на Me Sijum Underground во Стариград Пакленица

    Меѓународна премиера на Me Sijum Underground во Стариград Пакленица

    Дојде и тој ден. На 6 август, во прекрасниот амбиент на јадранското крајбрежје, во рамките на популарниот филмски фестивал Стариград Пакленица ќе се случи меѓународната премиера на првиот документарен филм во продукција на  Балкон3, „Јас сум андерграунд“ („MeSijumUnderground“). Филмот ќе биде прикажан во делот од програмата наречен „македонска недела“, во чии рамки публиката ќе има можност да види 13 музички документарци од Македонија.

    Me Sijum vo Paklenica_cover

    Фестивалот во Стариград крај Пакленица, кој ќе трае од 2 до 7 август, се одржува петта година по ред и прерасна во еден од најомилените филмски фестивали во Хрватска и во регионот. Се разбира, за тоа придонесуваат интересната и квалитетна филмска и музичка програма, но и уникатниот амбиент под отворено небо во кањонот Пакленица. Годинава фестивалот ќе биде отворен со проекцијата на легендарниот „Како је пропао рокенрол“ по повод 25-годишнината од премиерата на филмот.

    kino_velika_paklenicaТрадиционално настанот ќе биде зачинет со одлична музичка програма со настапите на: Која & Тресе лупа удара, The Beat Fleet и Тончи Хулиќ & Madre Badessa. Во жири комисијата ќе бидат легендарниот македонски гитарист Влатко Стефановски, словенечкиот музичар Мањифико и американскиот режисер, сценарист и продуцент Roger Ross Williams, кој во 2010 година доби Оскар за документарецот Music by Prudence.

    koja  Me Sijum vo Paklenica_Vlatko

    Филмот „Јас сум андерграунд“ („Me Sijum Underground“) е интересна музичка приказна за еден од најоригиналните македонски бендови, Шутка Рома Рап. Или како што ние во Балкон3 ја опишуваме во една реченица: забавна приказна полна надеж.

    Me Sijum_poster

    Неколку дена по проекцијата на фестивалот Стариград Пакленица ќе имате можност да го погледнете целиот филм на нашиот сајт. Дотогаш, ѕирнете го трејлерот 🙂

  • Грав, море, филм и музика под Велебит

    Стар град, мал пекол. Концентрација на Македонци, мирис на грав, море, сарма, пиперки, планина, турлитава, баница, шопска салата и убаво македонско вино. Ова е кадар од Стари Град Пакленица, ситно гратче под крупниот Велебит во Хрватска во кое се одржува Петтиот по ред Меѓународен Филмски фестивал на музички документарни филмови.

    starigrad paklenica_cover

    Место што оваа недела се буди од заспаноста со музички филмови, квалитетни работилници и чудесен амбиент и место во кое оваа недела се прожектираат повеќе македонски музички документарни филмови. Во една коноба под карпестиот Велебит, се готви македонска храна, се пее, се јаде, се пие вино.

    paklenica_SPFF5_balkon3  paklenica_SPFF2_balkon3

    Опуштено со угледни филмаџии, критичари и музичари, Роџер Рос Вилијамс, Зоран Пезо, Горан Гајиќ, Златко Гал, Брајан Рашич, Влатко Стефановски, Ули Шупел, Мањифико.

    paklenica_SPFF4_balkon3  paklenica_SPFF6_balkon3

    А во ноќта, на сцената под ѕвезденото небо на Велебит, меѓу карпите до рано утро се ужива во концертите на Душан Којиќ Која, Фрајле, ТБФ ..

    „Ништа ми нече овај дан покварит, никакви црњаци ни ружне ствари, ништа ми нече овај дан покварит, ни лупежи, барбари нит глупи политичари, ни генерали или светски владари..у царству ладовине не желин видит новине ни музику ни спорт..“ 🙂

    paklenica_SPFF9_balkon3

    Текст и фото: Дарко Чекеровски

  • Меѓународен Театарски Фестивал „Св. Јоаким Осоговски“

    Театар. Одлично место за да поминете дел од денот. Доколку сте љубител на Театарот и глумата, најтопло Ви препорачуваме да го посетите петтото издание на Меѓународниот Театарски Фестивал „Св. Јоаким Осоговски“. Фестивалот започнува во недела, на 15ти септември 2013 години во 19 часот со свеченото отварање кое ќе се одржи во просториите на Центарот за Култура на Крива Паланка. Како специјален гостин и лауреат ќе настапи познатиот македонски актер, Страшко Милошевски.
    kirva palanka cover 2

    Погледнете кои дела ќе бидат изведени на овој фестивал:

    Недела, 15.09.2013 – час 20:00
    „Грев или Шприцер“ – во изведба на Македонски Драмски Театар – Скопје, Македонија
    Автор: Сашко Нацев
    Режија: Дејан Дамјановски
    Музика: Венко Серафимов
    Сценографија: Филип Јовановски
    Костимографија: Билјана Каран

    Понеделник, 16.09.2013 – час 20:00
    „ПМС – Пост Машки Стрес“ – во изведба на Народен Театар „Јазавац“ – Бања Лука, Босна и Херцеговина
    Текст: Душко Радовиќ
    Драматизација и адаптација: Марио Ќулум
    Сценографија и костимографија: Драгана Пурковиќ – Мацан
    Музика: Дејан Илиќ и Дејан Зориќ

    Вторник, 17.09.2013 – час 20:00
    „Малограѓанска свадба“ – во изведба на Народен Театар „Стерија“ – Вршац, Србија
    Автор: Бертолд Брехт
    Режија, сценографија и костимографија: Александар Швабиќ
    Кореографија: Бојана Мишиќ
    Музика: Момир Цветковиќ и Иван Антиќ

    Среда, 18.09.2013 – час 20:00
    „Да ги смениме жените“ – во изведба на Белградски Народен Театар „Славија“ – Белград, Србија
    Текст: Раде Вукотиќ
    Режија: Раде Вукотиќ
    Четврток, 19.09.2013 – час 20:00
    „Рима“ – во изведба на Културен Центар „Акорд“ – Никшиќ, Црна Гора
    Текст: Николај Кољада
    Адаптација и режија: Драган Кнежевиќ
    Асистент на режија: Марија Илиќ
    Сценографија, костимографија и музика: Драган Кнежевиќ

    Петок, 20.09.2013 – час 20:00
    „Како минав сношти“ – во изведба на Народен Театар „Невена Коканова“ – Дупница, Бугарија
    Автори: Светислав Пеев и Јури Ступел
    Режија: Светислав Пеев

    Сабота, 21.09.2013 – час 20:00
    „Од кол на кол 2“ – во изведба на Народен Театар „Марко Цепенков“ – Прилеп, Македонија
    Текст: Реј Куни
    Режија: Коле Ангеловски

    Недела, 22.09.2013 – час 20:00
    „Звезди и Таленти“ – во изведба на Уметничка Работилница „Призор“ – Белград, Србија
    Текст: Марко Камелоти
    Адаптација и режија: Раде Вукотиќ
    kriva palanka logo JO
    Ве покануваме на седумдневно дружење и незаборавна забава во Крива Паланка, малиот град кој ќе биде разубавен уште повеќе со овој навистина прекрасен фестивал. Се гледаме таму!

  • КИНО ПОД ЅВЕЗДИТЕ

    Балкон3 на Филмскиот фестивал во Стариград Пакленица, местото каде моќниот Велебит влегува во морето

    paklenica svetlo1Секое мое патување во Хрватска е приказна за себе. Најчесто одбирам места на кои никогаш не сум била и тргнувам без очекувања, едноставно бидејќи сакам да се изненадам од единственоста што секое место си ја носи за себе и со себе, пријатна или не. И овој пат беше така.nacionalni park paklenicaЗа Starigrad Paklenica Film Festival знаев одамна, но оваа година конечно се намести сложувалката да бидам дел од ова меѓународно збиднување единствено од овој тип во светот  – фестивал на музички документарен филм.

    Стариград Пакленица е местото каде моќниот Велебит влегува во море. А на две места, кањоните Голема и Мала Пакленица, природата дозволила границата меѓу планината и морето да се измеша во ‘пеколна’ убавина. Самите кањони се рај за алпинисти, планинари и секаков вид љубители на помалку или повеќе екстремни спортови. А по напорните искачувања и уживањето во височините, симпатичното местенце ви овозможува гушкање со морето на повеќе убави места… Кој како љуби – на карпи, на песок, на уредени плажи.paklenica otvorenoПакленица ми беше еден од дел од Хрватското приморје каде не сум била и тоа беше предизвик само по себе, а спојот со музиката и филмот ми се чинеше како идеална околина да запознаеш едно парче од рајот на земјава. И не згрешив…

    Тимот на SPFF не можел да одбере подобро место за да ги спои музиката и филмот во прекрасна симбиоза со природата. Чинам дека немаше посетител кој не беше оставен без здив. Некој од исклучително квалитетниот избор на филмови кои земаа учество на фестивалот проектирани во магичните кина под ѕвезди, некој од концертите кои се одржуваа под ѕвезденото небо на Мала Пакленица, некои од храната, некој… Но сите заедно од прекрасната енергија за време на дружбите на сите учесници. Како да сме едно, како е да Пакленица центарот на светот.paklenica play it samКако што кажа директорот на фестивалот Адмир Чулумаревиќ во интервјуто за Вечерњи лист, најголемото богатство на фестивалот беа луѓето. Сите ние се споивме на посебен начин. Начин кој за секогаш го смени нашиот поглед на музиката, филмот и двете заедно споени во овој жанр.

    На фестивалот бевме 6 дена, но на крајот се чувствувавме како да сме таму кој знае од кога, споени во една компактна маса од љубители на убавини, поврзани со планината, морето, музиката и филмот. Самите проекции се одвиваа во трите кина кои секој ден за нас ги подготвуваше тимот на SPFF, по едно во кањоните на Мала и Голема Пакленица, а како новитет од минатите изданија на фестивалот беше киното на плажа.

    paklenica denski decko paklenica jadenjeОд 148 пријавени филмови на фестивалот, селекторот Зоран Пезо ни овозможи да уживаме во 28 наслови. 22 филмови се натпреваруваа за награди, по 11 долгометражни и кратки музички документарци. 4 филмови погледнавме во рамките на Словенечката недела, бидејки Словенија беше земја партнер на фестивалот оваа година. А како бонус, надвор од конкуренција погледнавме уште 2 филма. И ако некој ме праша да одвојам кој филм најмногу ми се допадна, ќе речам дека во овој жанр, тоа е многу тешко, посебно за љубители на добра музика и филм. Секој наслов си носеше приказна за себе, раскажана на посебен  начин, онака како што раскажувачот тоа го видел.paklenica svetloSearching for Sugarmen (SWE, Malik Bendjelloul) низ солзи и смеа не’ прошета од едниот на другиот крај на светот, во една сосема откачена приказна со непредвидлив крај.

    Marley (USA, Kevin McDonald) биографска сторија за Bob Marley раскажана од неговите најблиски, во негов манир – весело и полно со позитивна енергија која тој така умешно знаеше да ја сподели низ своите песни. Hugh Laurie: Down by the river (UK, John Paul Davidson) не’ запозна со музичката страна на познатиот актер (Dr. House) преку неговото патешествие низ Америка, по трагите на неговиот омилен музичар. 60 минути музика за почит. Шабан (СРБ, Милош Стојановиќ) неизбежен балкански зачин на атмосферата на фестивалот со приказната за Шабан Бајрамовиќ. До солзи се смеевме и уживавме во единственоста на овој балкански блузер чии песни се длабоко врежани во нашите генетски кодови.paklenica denski frajleОва се само неколку наслови, а ги погледнавме и Fredie Mercury: The Great Pretender, Hrvatska rapsodija: Maksim Mrvica, Coldplay, Supersonic: Tribute to Sun Ra, Martino Unstrung, Damir Avdić: Pravi Čovjek za Kapitalizam и Marko Brecelj: Priletni parazit, ali kdo je Marko Brecelj.

    Во конкуренција на кратки филмови погледнавме една широка лепеза на кратки приказни од сите страни на светот исполнети со многу музички жанрови, но и приказни за изработувачи на гитари, за колекционери на грамофонски плочи… за луѓе кои едноставно живеат за и со музиката. На листата на прикажани филмови беа Klapa Cambi: Piva klapa Kornelija, Fink: Warm Shadow, Music Man Murray, Za sve je kriv Earl Jones, Randy Parsons: American Luthier, Northern Haze: Living the Dream, Why Amsterdam, Big Bang Percussion, Rosario, Sedam Tamburaša čika Marka и All Hail the Beat.middle ageСепак, и покрај многуте одлични филмови кои беа во конкуренцијата за награди, жирито мораше да додели награди на 6 од нив: две награди Special Mention од стручното жири за филмовите Шабан (СРБ, Милош Стојановиќ) и Music Man Murray (USA, Richard Parks) и 4 од публика за филмовите  Klapa Cambi: Piva klapa Kornelija (CRO, Sandra Polić Živković),  Marko Brecelj: Priletni parazit, ali kdo je Marko Brecelj (SLO, Janez Burger), Martino Unstrung (UK, Ian Knox)  и апсолутниот победник на фестивалот Searching for Sugarmen (SWE, Malik Bendjelloul).

    Словенечките автори се претставија со Otroci Socijalizma, Toše – The Hardest Thing, Vlada и Jan Plestenjak: Priznam. А музичко-филмскиот колаж надвор од конкуренција го дополнија Nick Cave: Road to god knows where и Jazz Apartman.paklenica uliСо еден дел од режисерите, продуцентите и ликовите од филмовите имавме можност да се дружиме во рамките на прес конференциите и работилниците и од нив да научиме од поблиску за создавањето на овие филмови, да научиме дека овој жанр нуди една огромна слобода на изразување, широк дијапазон на теми и приказни и што е најважно, многу, многу музика.

    Така поминавме корисно време со Andy Markowitz (UK) еден од основачите на MusicFilmWeb.com најголемиот online извор посветен на информации и критики за музички документарни филмови, Thomas Norgaard (DK) млади и иновативни продуценти на филмот за Pearl Jam, Rada Sesic (NL) креатор на програми и селектор на многу филмски фестивали, предавач на Master of Film во Холандија и претседател на жирито, Uli Schueppel (GER) режисерот на филмот Nick Cave: Road to god knows where и Marko Brecelj, главниот лик во филмот Marko Brecelj: Priletni parazit, ali kdo je Marko Brecelj.paklenica zurkaПосебна енергија на фестивалот донесе рубриката Film&Food во рамките на која сите заедно се дружевме во филмскиот центар, а дел од познатите учесници готвеа за нас. Не ретко овие дружења завршуваа со гитара и песни од сите страни на светот.

    А пак ноќите беа резервирани за концерти и ДЈ сетови во просторот на Мала Пакленица. Тешко се доловува атмосферата која беше секоја вечер посебна на свој начин. Дарко Рундек и неговото Карго Трио не’ дигнаа на нозе и сите во еден глас пеевме. Тамбурашите не прошетаа низ сите простори на поранешна Југославија.rundekЌе заклучам дека организаторот успеа да ни ги задоволи сите сетила… Гледавме ѕвезди под ѕвездите, уживавме во прекрасна музика, мирисавме море и јадевме прекрасна храна.

    За крај, ќе го цитирам Wim Wenders со мисла со која и претседатлеката на жирито Рада Шешиќ ја заврши својата работилница: “Кога одите во кино, мора да дојдете како една личност, а да излезете како друга. Филмот мора да ве допре, смени…”

    Starigrad Paklenica Film Festival сосема ја исполни оваа мисија. Се гледаме догодина пак!

    Анита Палческа